ليه بيخطفوا حلم غيرهم ؟ ..

 

 

 

 

أول مرة تحب يا قلبي

 

حبيبها  ..  لست وحدك حبيبها .. حبيبها أنا قبلك

 

 

شعر راسي وقف زي المسامير ...  و وصلت حرارة دمي درجة الغليان  ..  و دقات قلبي كانت زي الطبل في مارش عسكري

 

كل دا  كان ليه   ؟    ..   لما سمعت اغنية  حبيبها  ..  كنت  على وشك  دخول تانية اعدادي  ..  اخدتني كلمات القصيدة  و صورها و تشبيهاتها  ..  الصور الدامية فيها   غرقت  احاسيسي  في بركة اكتئاب

 

بعدها  .. لقيتني  باتشد  اكتر  للقصائد  المغناة   ..  شدتني قصيدة تانية  ..  لنفس الشاعر  و نفس المطرب  ..  اسم القصيدة  ..  لست قلبي 

 

 

أنت قلبي ..  فلا تخف و أجب  ..  هل تحبها  ؟؟؟؟

 

طبعا  ..  بعد كدا  .. لما اشتريت ديوان ( لا تكذبي )  للشاعر  كامل الشناوي  و قريت القصايد بتاعته  .. و كنت وقتها في  المرحلة الثانوية  ..  و لقيت فيه القصيدتين  ..  حبيبها  .. و  ..  لست قلبي  ..  كان ليها  طعم تاني

 

المهم

 

 

مين فينا في مرحلة المراهقة   ما حبش  اغاني عبد الحليم   ؟   رومانسية و ناعمة   و بتدغدغ المشاعر

 

انا باعترف  و بمحض ارادتي  .. انه  عندي  داء  اسمه داء التميز  ..  و ممكن نسميه  داء الكلكعة ..

 

يعني ايه  ؟

 

يعني مثلا مثلا   ..  كنت اكره الحاجة المشهورة قوي  و اللي بتتكرر على السنة العامة  ..  يعني  ..  كرهت اغاني  جميلة و مشهورة لمطربين كويسين  .. لاني كنت بالاقي  ناس بتسمعها في شرايط  ..  ناس  باعتبر   اني لازم  اكون مختلف عنهم

 

كنت على العكس من كدا  ..  ادور ع الحاجات الصعبة  اللي مش اي حد يفهمها   و اقعد  لها بالمرصاد 

 

غير كدا  ..  كنت  باتلذذ   باني  العب بالمواد  الصعبة اللي معقدة البني آدمين  ..  و ارمي المواد  السهلة  ما ابصش فيها 

 

 

يعني مثلا  ..  النحو   من المواد  اللي  بتدوخ البشر  ..  يا سلام  ع  النحو عندي ..  مزاااااج  ..  الرياضيات  كانت  و لا زالت عقدة ناس كتير  ..  يا سلام  على يوم  ما وقفت المسالة  مع الاستاذ  و احنا في تالتة اعدادي  و قال نخليها للحصة  الجاية  .. قمت  فاقع الحل   ..  الاستاذ  بكل استاذية  حضنني و باسني

 

 

خلاصة المسالة  ..  بدات اتجه  ناحية سماع القصايد  ..  و سمعت قصيدة  زمااااان  .. كان اسمها  : يا ضنين الأمس    برضه  لعبد الحليم 

 

كبرت  و بدات تكبر مواهبي  و كنت باكتب  ..  ربما  اللي  قلل كتابتي  او اهتمامي بيها  .. انه كان عندي مشروع  تفوق   و كنت باخطط  اواصل الحياة  الاكاديمية  في الجامعة  ..  لغاية ما لقيت حلمي بيتسرق بسهولة  ..  لقيت  ترتيبي  من الاول  نازل للرابع   ..  بضربة  موجهة  بعناية  مركزة  من لجنة مناقشة المشروع 

 

و المشروع  كنا مجموعة من خمس افراد..  تقريبا انا اللي عامل  اكتر من 80 % منه  ..  الاستاذ  رئيس لجنة المناقشة بسلامته و باصرار عاوز يعطيني جيد جدا  .. ليه مش عارف ..  لولا  اصرار الاستاذين المشرفين  باعتبار اني اول الدفعة  و غير كدا  انجاز المشروع  انا صاحب الايد  الطولى فيه .. و بعدين في المناقشة  انا اللي واكل الجو ..  المهم  اخدت امتياز بنسبة 85 %  في مادة  مشروع التخرج  ..  و اللي الاخوة اللي معايا في المقدمة  لقيتهم كل واحد  واخد امتياز بنسبة 99 %  .. و هو دا الطبيعي للنخبة المتميزة ..  بحسبة بسيطة  لقيتني  كنت ابقى الاول  بفرق  1 %   لو  ما اتعنتش الاستاذ اياه  ..   لغاية الوقتي  عاوز اعرف كان لمصلحة مين  !!! .. 

الله ..  و اللا آخر مادة في الامتحان  ..  يومها الدكتور المشرف ع الدور  ..  زي ما يكون بيني و بينه  حمامات دم  من الف سنة  ..  و كان عاوز يخرجني من الامتحان و السبب اني كنت باتكلم  ..  لولا الاتنين المراقبين و باصرار .. قالوا اني اتكلمت بناء على طلبهم  اني اترجم كلمة للزملا  في اللجنة .. نظراته كانت غير طبيعية  بالمرة . 

 

المهم  ..  اصبت بحالة من القرف  ..  و اخدت قرار  اني  اخرج  منها بسلام  آمنا 

 

 

نرجع  لعبد الحليم .. و الاغاني من تاني

 

من فترة كنت في منتدى ..  واحد بيقول  اطلب الاغنية اللي انت عاوزها   ها تلاقيها  حالا  ..  مر بخاطري اني اطلب اغنية  يا ضنين الأمس  ..  و دي قصيدة كنت سمعتها زمان  .. بصوت عبد الحليم

 

المهم  .. الاخ  اعتذر  انه  مش لاقيها  ..  لقيت القلب الحنين  بتقول لي اتفضل  :  هي دي  ؟  شكرتها كتير 

 

في نفس الوقت انا حاولت ابحث عن الاغنية دي في النت   ..  لقيت  اللي خلى نفسي  عاوزة  ترجع  كل اللي جواها 

 

لـــــــــــــــــــــــــــــــــــــــــــــــيه  ؟

 

 

لقيت  ان قصيدة يا ضنين الأمس  اول من غناها  هو  كارم  محمود   ..  و عبد الحليم  عجبته الاغنية  ..  غناها  ..  و بقت الاذاعة  تذيع  الاغنية  بصوت عبد الحليم  و هالت على كارم  محمود  كوم تراب

 

و لقيت كمان  قصيدة  .. و كنت برضه  باسمعها  بصوت عبد الحليم  اسمها  سمراء  ..  سمراء يا حلم الطفولة  .. يا منية النفس العليلة  ..  كيف الوصول إلى حماك  .. و ليس لي في الأمر حيلة

 

بادور  في المنتديات المتخصصة  زي منتدى سماعي  ..  لقيت ان القصيدة برضه بتاع كارم محمود   و عبد الحليم  خطفها 

 

قلت ف نفسي  لا لا لا  ..   النوذج دا من البشر  ينكره   ..  طيب قبل ما تظلمه  ..  دور شوية  و شوف ايه الحكاية

 

لقيت الحكاية  طين اسود  و معطن 

 

و فضلت اكر الخيط  لغاية ما وصلت  لنقط   تخلي الواحد  يعيد حسابات التاريخ المزيف للامم و الاشخاص

 

 

لقيت الاستاذ  الكبير  اللي الدنيا رافعه راياته ..  وراه كتير   لازم ينقال

 

الاستاذ  خطف  حاجات كتيرة  متميزة  و استولى  عليها  زي قطاع الطرق 

 

مثلا مثلا  ..  يا ضنين الأمس  .. و  ..  سمراء ..  خطفهم من كارم محمود  ...  يا مالكا قلبي  خطفها من نجاح سلام المطربة اللبنانية  بتاع اغنية  الشاب الأسمر جنني  و لها كمان اغنية في حب مصر اسمها  يا اغلى اسم في الوجود يا مصر  ..  و موال أدهم الشرقاوي اللي خطفه من محمد رشدي

و الطامة الكبيرة  ..  انه خطف شخص بحاله  من مطرب متميز

 

مش عارف ازاي  الجدع اللي اسمه عبد الرحمن الابنودي  بيتقال عنه انه صعيدي  ؟   مع ان القصة  اللي بتتحكى  ..  و اللي سمعتها منه  من كام سنة  ..  في وفاة المطرب الشعبي العملاق محمد رشدي  ..  القصة اللي حكاها   تنفي انه صعيدي   .. لانه لو صعيدي بجد   كان حرق  اتنين .. حرق  مجدي العمروسي و عبد الحليم حافظ

 

لما فتشت و دورت  .. لقيت ان عبد الحليم بيه حافظ   و هو على سرير المرض في لندن ..  لما عرف ان القاهرة باتت تصفق لمحمد رشدي  لابداعه في اغنية عدوية  و دا كان في  الستينيات ..  اكلت الغيرة قلبه  و غادر لندن الى القاهرة من غير ما يكمل علاجه  ..  و قعد مع  مجدي العمروسي   يحلوا اللغز   ..  واحد  ها يخطف النجومية منه  ..  السبب ايه و الحل ازاااي ؟

 

لقوا ان النجومية  سببها  صوت رشدي و كلمات الابنودي   ..  و كان القرار  :  خطف الابنودي 

ليه يا اخي ؟  ما تشتغل و تتميز و تنافس بشرف

 

و بالفعل  مجدي العمروسي  اتفق مع اللي يخطف عبد الرحمن الابنودي في شوال  ( جوال ) 

بذمتك يا عم الابنودي انت صعيدي ؟  ما كنتش مكسوف و انت بتقولها  ؟؟؟   تتخطف في شوال يا عم يا صعيدي و يجي لك نفس تكتب للي خطفك ( في شوال )  .. يا خسارة الرجالة ..  و يا فضيحة الصعايدة ..

 

المهم  ..  مع لف  سلاطات التاريخ في بعضه  ..  الاستاذ عبد الحليم  مع الاستاذ الدكتور اللواء محمد عبد الوهاب اللي كان صديق مقرب لعضو من اعضاء مجلس قيادة الثورة  ..  كانوا واصلين   لدرجة انهم  يمنعوا اغنية فلان  من الاذاعة  و يردموا عليه تراب بارتفاع خمسة متر

 

و دا اللي حصل 

 

الاستاذ عبد الحليم  كانت تعجبه اغنية فنان من هنا   يروح مغنيها  و تنذاع الاغنية بصوته  و المغني الاصلي  بح خلاص   يرموا تسجيله  في غياهب النسيان

 

طب يا ترى سي عبده  كان بيعمل كدا ليه  ؟

 

 

المحللين بيقولوا  ان نشاته يتيم  و حرمانه في طفولته  و تربيته  خلته يبص لاي حاجة في ايد اي حد و يتطلع انه ياخدها منه  و يحرمه منها  حتى لو كان هو شخصيا مش محتاج لها

 

اخص على كدا

 

 

مش قادر اقول انا كرهته

 

لكن انا كرهت المبدأ دا

 

لانه اتخطف حلمي  و انا اللي دايما  احب اساعد المتميز  انه يتميز اكتر

 

كرهت نموذج عبد الحليم   اللي يكره تميز غيره  .. لا  و ايه  يخطف منه التميز  .. و بتعاون مع قوى قذرة يدوس نجاح الآخرين

 

 

غني يا عم كارم  :  يا ضنين الأمس مرجو الغد .. هل لدى الأيام لي من موعد  ؟  يصل المبعد بالمبتعد

.

أينشتاين كان حرامي .. و هاكتب فيه بلاغ لشيخ البلد

.

آآآآآآآني الموقع أدناه .. ميكانيكي كمبيوتر باتهم الجدع اللي اسمه البرت بن اينشتاين انه حرامي

و عاوز ارفع عليه دعوى بالخصوص دا

و اتهم الآلة الدعائية اليهودية انها عملت منه نمر .. و هو نمر من ورق

يا حراااام .. دستور يا اسيادنا .. الواد الاسطى حصل له ايه ؟

الواد كان كويس و زي الفل من كام يوم .. ايه اللي جرى لك يابني ؟؟؟

هل بت ما هييجي ناس يقولوا : و هو انت يعني دونن عن كل الاسطوات اللي في الدنيا عاوز تعمل فيها فركوكة و تعمل راسك براس المدعو البرت بن اينشتاين و تقول راي فيه !! تطلع مين انت يا واااد و ايش تكون علشان يكون لك راي اصلا في الكلام بتاع اينشتاين بيه ؟؟؟

بقى اينشتاين بيه اللي لما طلع بنظرية النسبية بتاعته ما كانوش فاهمينها في الدنيا دي كلااااتها الا قول كدا ييجي خمس بني ادمين .. تيجي انت يا حتة اسطى في بلد مش ع الخريطة تقول كلام مالهوش معنى ؟؟؟

دا حتى اينشتاين بيه اللي حير الناس بنظرية النسبية بتاعته .. و كمان اخد نوبل و كان الألفة بتاع العلماء بتوع العالم كلاتهم اتبرع بمخه يشرحوه بعد ما يموت علشان يجيبوا سر العبقرية بتاعته لانهم بيقولوا عليه اكبر عبقري في العالم.

اسمع يا اسطى .. لم الدور .. و اكفي ع الخبر ماجور .. و اطلع منها يا ابني بدل ما يحطوا اسمك في مذكرة التوقيف اللي ها تطلع باسم البشير و يحاكموك .. اصل ولاد الابالسة ايديهم طايلة و انت مش حملهم

شوفوا يا اخواننا : اينشتاين بيه دا زيه زي واحد في الجيرة بتاعتنا .. كان (غفير مناصل ) و بقدرة قادر دخل مجلس الكعب العالي و بقى اسمه زي الطبل

و للتوضيح .. المنصل دا يبقى مصرف يعني .. بيصرفوا فيه الميه بتاع الارض الزراعية .. و الغفير هو الخفير .. بس مش خفير الداخلية ابو بالطو اصفر و صفارة .. دا حارس لمصارف مياه صرف الارض الزراعية

بيقول التاريخ : في ستينيات القرن اللي فات في هوجة الاشتراكية الناصرية و تغمية بصر الامة بوجود اكتر من خمسين في المية عمال و فلاحين و الكل من فئة بصمجي يا بيه .. دخل عمنا غفير المناصل و بقى اسم على مسمى .. لا و بيقولوا ايه .. بيقولوا انه كان بيقعد مع جمال عبد الناصر سخصيا و حتى في مرة اشترى حتة قماش صوف من اللي هوه و سال الريس .. افصلها بدلة يا ريس ؟ قال له : لا .. الجلابية هي الاصل .. فصلها جلابية

و انا كدا قول كنت في اولى اعدادي كنت هاترقع علقة من اخويا فضيلة الشيخ لاني ضحكت و علقت تعليق سخيف حبتين على سيدنا البصمجي اللي كان بيمثل مركزنا في مجلس النهب الواطي .. ليه ؟ لان بسلامته قاعد بيتكلم كلامه كدا زي ما تقول مناخوليا .. فساخونيا .. لا راي و معنى .. الضرب كان ها يبقى لاني كان لازم احترم راجل كبير في سن جدي و قضى اكتر من ربع قرن بيمثل دايرتنا في المجلس النيابي .. لكن اخدت مكافاة سرية اني قدرت افنط كلام الراجل

ايه يا اسطى ؟ انت واخدنا ع العربية الكارو و نازل بينا النيل نشرب ؟

اصبروا معايا يا اخواننا بس

اينشتاين بيه دا سمعت عنه و عن بطولاته و فتوحاته الفيزياوية و كنت منبهر بالكلام اللي بينقال عن عبقريته

لغاية ما ف يوم اتصدمت بالكابتن شاينشتاين وجها لوجه في كورس عن النسبية الخاصة و انا تلميذ في الورشة .. و عشان مانا كنت خايب قوي يا دوب جبت امتياز في المحروق كورس الفيزيا اللي كان عبارة عن النسبية الخاصة و مقدمة في الفيزيا الذرية

المهم عدت كام سنة .. كنت في سنة تالتة .. و اني زي ما انتو عارفين .. اسطى .. اخواننا بتوع علوم او تربية .. اللي مزنوق في موضوع فيزيا او رياضة ييجي للاسطى جري .. اقول له سيب الكتاب شوية اقرا الدرس و ربنا ها يجيب الفرج

الاحتكاك مع اخواننا بتوع علوم بالذات فتح عينيا على موضوعات فيزياوية مش عندنا في الهندزة .. او بيدرسوها بوجهة نظر و معالجة تختلف عن معالجاتنا التطبيقية

من الاحتكاك دا لقيتني باتعامل مع افكار و معادلات رياضية اتعملت قبل المدعو اينشتاين و المدعو اينشتاين بينسبها لنفسه .. لقيتني باتعامل مع اسماء زي فيتزجيرالد و لورنتز و ماكسويل يمكن قالوا الحاجات دي قبل المدعو اينشتاين ما يتولد

لقيت العلم ماشي في مسار افكار علماء و فلاسفة لهم شنه و رنه في مجتمعاتهم

دي حتى المعادلة الشهيرة E = m C ^2 المعادلة دي موجودة في المحافل العلمية قبل جريمة اينشتاين بسنين. و بالافترا بيخرقوا بيها نظرنا في كل الكتب العلمية على انها بتاع الجدع دا اللي اسمه شاينشتاين .. شيطان لهفه

المدعو اينشتاين لو دورنا في تاريخه التعليمي و العلمي ها نلاقيه بليد و اتخرج برضه بمستوى يعني مش فذ و لا حاجة

لغاااااية ما جا يوم الوعد

يوم ما اشتغل في مكتب تسجيل براءات اختراع

و علشان ما انا اسطى .. ما كنتش باكتفي بكتب الدكاترة .. كنت باشتري كتب غير كتبهم .. و كنت باشتري مجلات و بلاوي مسيحة لما هرشت مخي

و اهو انتو شايفين دليل هرشة المخ اهوه

في يوم فتحت الكتاب اللي اشتريته و كان عن اللطيفة الظريفة ربة الصون و العفاف : النسبية خانوم

خانوم دا اللفظ التركي اصل كلمة هانم

الكتاب كان بيتكلم عن النسبية كعلم .. و بعدين كان فيه جزء تاني ملحق عن الآراء اللي اتقالت في النسبية .. دخل في المحظور .. قال انهم بيقولوا انه البرت بيه اينشتاين حرامي

يا نهار اسود .. دا انا شكي ف محله

بيقولوا ان زوجته و هي بنت عمه كانت عبقرية و هي صاحبة النسبية و هو سرقها منها

و بيقولوا انه سرقها و هو في مكتب براءات الاختراع

كمان اللي يقرا المحاورات اللي حصلت بينه و بين العالم الألماني الفذ فيرنر هيزنبرج في كتابه عن سيرته الذاتية : الجزء و الكل .. ها يعرف اينشتاين دا يطلع مين

الكلام كتير حوالين الجدع دا ..

بس ليه الكلام دا مش بينتشر ؟؟؟؟

وراه رجاله .. لانه زي ما كلنا عارفين .. اينشتاين بيه من ولاد اعمامنا .. و حد يقدر يقف قدامهم ؟؟؟ !!

اذا كانوا بلعوا وطن و ما حدش قادر يقول لهم بخ .. ها تقف على نظرية تتسرق ؟

دا لسه موضوع انه هو ابو نظرية الكم

دي فيها كلام يهلك من الضحك

.

اكيد حد ها يسال : انت سايب الورشة بقى لك كذا سنه يا اسطى .. ايه فكرك بالجدع دا الوقتي ؟

من كام شهر في احد المنتديات كان واحد كاتب موضوع عن النانوتكنولوجي .. يعني كلام في الفيزيا الحديثة و نظرية الكم .. و الكلام و المناقشات جابت سيرة مقصوف الرقبة اللي اسمه اينشتاين

كنت عاوز ادخل و اعلق و اقول : يا اخواننا .. اينشتاين حرامي .. بس لقيت اني علشان اقول حرامي الموضوع ها يلزمه اخد و رد و حجة و اقناع و معادلات و تاريخ نظريات علمية .. و بصراحة ايامها كنت مشغول مع ام العيال

ام العيال الوقتي مسافرة و انا فضيت لوجع الدماغ و هرشة المخ

المبلغ بما فيه

الاسطى : ميكانيكي كمبيوتر

.

الأرض مركز الكون .. بوعي بسيط لآيات القرآن .. تدرك هذه الحقيقة

الأرض مركز الكون


الآيات الكونية في القرآن الكريم كثيرة .. تشرئب لها الأفهام و تسجد من عظمتها الألباب .. و من أعظم الآيات الكونية آيات خلق السموات و الأرض

تعالوا معي ننظر في هذه الآية

خَلَقَ السَّمَاوَاتِ وَالْأَرْضَ بِالْحَقِّ يُكَوِّرُ اللَّيْلَ عَلَى النَّهَارِ وَيُكَوِّرُ النَّهَارَ عَلَى اللَّيْلِ وَسَخَّرَ الشَّمْسَ وَالْقَمَرَ كُلٌّ يَجْرِي لِأَجَلٍ مُسَمًّى أَلَا هُوَ الْعَزِيزُ الْغَفَّارُ .. سورة الزمر الآية 5

خلق الله السموات و الأرض .. هل نستطيع أن نفهم من هذه الآية أيهما خلق أولا ؟
كلا .. لماذا ؟ الواو حرف عطف يدل على المشاركة و حسب

أما هذه الآية من سورة البقرة فهي التي كانت قد استرعت انتباهي منذ عهد بعيد

هُوَ الَّذِي خَلَقَ لَكُم مَّا فِي الأَرْضِ جَمِيعًا ثُمَّ اسْتَوَى إِلَى السَّمَاء فَسَوَّاهُنَّ سَبْعَ سَمَاوَاتٍ وَهُوَ بِكُلِّ شَيْءٍ عَلِيمٌ .. سورة البقرة الآية 29

يقول النحويون : ثم حرف عطف يفيد المشاركة و الترتيب و التراخي
أي أن الله قد خلق الأرض أولا .. ثم .. استوى إلى السماء فسواهن سبع سماوات

في سورة فصلت التفصيل

قُلْ أَئِنَّكُمْ لَتَكْفُرُونَ بِالَّذِي خَلَقَ الْأَرْضَ فِي يَوْمَيْنِ وَتَجْعَلُونَ لَهُ أَندَادًا ذَلِكَ رَبُّ الْعَالَمِينَ
وَجَعَلَ فِيهَا رَوَاسِيَ مِن فَوْقِهَا وَبَارَكَ فِيهَا وَقَدَّرَ فِيهَا أَقْوَاتَهَا فِي أَرْبَعَةِ أَيَّامٍ سَوَاء لِّلسَّائِلِينَ
ثُمَّ اسْتَوَى إِلَى السَّمَاء وَهِيَ دُخَانٌ فَقَالَ لَهَا وَلِلْأَرْضِ اِئْتِيَا طَوْعًا أَوْ كَرْهًا قَالَتَا أَتَيْنَا طَائِعِينَ
فَقَضَاهُنَّ سَبْعَ سَمَاوَاتٍ فِي يَوْمَيْنِ وَأَوْحَى فِي كُلِّ سَمَاء أَمْرَهَا وَزَيَّنَّا السَّمَاء الدُّنْيَا بِمَصَابِيحَ وَحِفْظًا ذَلِكَ تَقْدِيرُ الْعَزِيزِ الْعَلِيمِ سورة فصلت من الآية 9 إلى الآية 12

فالله خلق الأرض في يومين و شكل تضاريسها و قدر فيها الأقوات في يومين فصار بذلك تتمة خلق الأرض في أربعة أيام
أما السماوات السبع و ما بينها و تزيين السماء الدنيا بمصابيح و وسائل حفظهن فقد استغرق يومين
نعود ثانية لنرى .. بعد مضي الأربعة أيام التي تم فيهن أمر الأرض استوى الله إلى السماء .. فماذا كان ؟ ثُمَّ اسْتَوَى إِلَى السَّمَاء وَهِيَ دُخَانٌ فَقَالَ لَهَا وَلِلْأَرْضِ اِئْتِيَا طَوْعًا أَوْ كَرْهًا .. أي أن أمر الأرض اشترك مع أمر السماء في يومي السماء

يا له من عظيم شأن الأرض

و بعد أن خلق الله الأرض في أربعة أيام ثم خلق السماوات السبع في يومين فصارت ستة أيام .. استوى على العرش .. و الاستواء معلوم و الكيف مجهول و السؤال عنه بدعة كما قال الإمام أحمد حينما سأله أحدهم

إِنَّ رَبَّكُمُ اللّهُ الَّذِي خَلَقَ السَّمَاوَاتِ وَالأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يُدَبِّرُ الأَمْرَ مَا مِن شَفِيعٍ إِلاَّ مِن بَعْدِ إِذْنِهِ ذَلِكُمُ اللّهُ رَبُّكُمْ فَاعْبُدُوهُ أَفَلاَ تَذَكَّرُونَ .. سورة يونس الآية 3

و لأهل الأرض جعل الله الشمس ضياء و القمر نورا .. و قدر القمر منازل لسبب .. لمعرفة حساب السنين .. أي حساب السنين يكون حسب شهور القمر لا كما نحسب خطأ باعتماد النظام الشمسي

هُوَ الَّذِي جَعَلَ الشَّمْسَ ضِيَاء وَالْقَمَرَ نُورًا وَقَدَّرَهُ مَنَازِلَ لِتَعْلَمُواْ عَدَدَ السِّنِينَ وَالْحِسَابَ مَا خَلَقَ اللّهُ ذَلِكَ إِلاَّ بِالْحَقِّ يُفَصِّلُ الآيَاتِ لِقَوْمٍ يَعْلَمُونَ
إِنَّ فِي اخْتِلاَفِ اللَّيْلِ وَالنَّهَارِ وَمَا خَلَقَ اللّهُ فِي السَّمَاوَاتِ وَالأَرْضِ لآيَاتٍ لِّقَوْمٍ يَتَّقُونَ .. سورة يونس الآيتان 5 و 6

و إلى هنا نأتي لبيان عظم شأن أهل الأرض

وَإِذْ قَالَ رَبُّكَ لِلْمَلائِكَةِ إِنِّي جَاعِلٌ فِي الأَرْضِ خَلِيفَةً قَالُواْ أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاء وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لاَ تَعْلَمُونَ

الله .. الأرض يجعل الله فيها خليفة له هو الإنسان ؟ إذن فهي عظيمة الشأن

وَعَلَّمَ آدَمَ الأَسْمَاء كُلَّهَا ثُمَّ عَرَضَهُمْ عَلَى الْمَلائِكَةِ فَقَالَ أَنبِئُونِي بِأَسْمَاء هَؤُلاء إِن كُنتُمْ صَادِقِينَ
قَالُواْ سُبْحَانَكَ لاَ عِلْمَ لَنَا إِلاَّ مَا عَلَّمْتَنَا إِنَّكَ أَنتَ الْعَلِيمُ الْحَكِيمُ
قَالَ يَا آدَمُ أَنبِئْهُم بِأَسْمَائِهِمْ فَلَمَّا أَنبَأَهُمْ بِأَسْمَائِهِمْ قَالَ أَلَمْ أَقُل لَّكُمْ إِنِّي أَعْلَمُ غَيْبَ السَّمَاوَاتِ وَالأَرْضِ وَأَعْلَمُ مَا تُبْدُونَ وَمَا كُنتُمْ تَكْتُمُونَ

الله .. علم آدم و أبناء آدم يفوق علم الملائكة ؟ إذن فأهل الأرض شأنهم عظيم

وَإِذْ قُلْنَا لِلْمَلائِكَةِ اسْجُدُواْ لآدَمَ فَسَجَدُواْ إِلاَّ إِبْلِيسَ أَبَى وَاسْتَكْبَرَ وَكَانَ مِنَ الْكَافِرِينَ .. سورة البقرة الآيات من 30 إلى 34
الملائكة تسجد لآدم ؟

و من استمر على فطرة الله يباهي الله به ملائكته

عن ابن عمر أن النبي صلى الله عليه وسلم قال: ( إن الله يباهي ملائكته عشية عرفة بأهل عرفة، فيقول: انظروا إلى عبادي، أتوني شعثا غبراً) رواه أحمد

إذا كانت بداية خلق الكون هي الأرض و حولها السماوات السبع و إذا كان هذا هو شأن الأرض و شأن ساكنيها .. ألا ترى معي مقبولية مركزية الأرض لهذا الكون ؟

......

نكمل كلامنا

هذه الآية فيها ما فيها

أَوَلَمْ يَرَ الَّذِينَ كَفَرُوا أَنَّ السَّمَاوَاتِ وَالْأَرْضَ كَانَتَا رَتْقًا فَفَتَقْنَاهُمَا وَجَعَلْنَا مِنَ الْمَاء كُلَّ شَيْءٍ حَيٍّ أَفَلَا يُؤْمِنُونَ .. سورة الأنبياء الآية 30

الله الله الله

السماوات و الأرض كانتا رتقا ؟ ففتقناهما ؟

الأرض .. الأرض .. الأرض

كل الذكر للأرض و السماوات

السماوات بما فيها من توابع و نجوم و مجرات .. كل ذلك كان في وحدة مع الأرض

ثم

فتق الله السماوات بكل مكوناتها تلك .. عن الأرض .. كبالونة حول نواة

فلماذا يقللون من شأن الأرض إذا كان هذا ذكر الله لها

.

علها يوما تمر

.

حينما يأتي المساء

و القلب يملؤه الضجر

.

.

اخلع همومك و انطلق

في الفضا بين الشجر

سامح دروبا تحترق

روّها برد المطر

يا من تراها زلزلت

كل أركان القصر

قل للحنين يهزها

علها يوما تمر

.

رسالة بيضاء

 

 

 

دعــــــــــــــــــــــــــاء

دعاء لمرة واحدة بالعمر

روي عن رسول الله (صلى الله عليه واله وسلم) مضمون الحديث

انه قال: من قرأ الدعاء في أي وقت فكأنه

حج 360 حجة

وختم 360 ختمه

وأعتق 360 عبدا

وتصدق ب 360 دينار
وفرج عن 360 مغموما

وبمجرد أن قال رسول الله (صلى الله عليه واله وسلم) الحديث نزل جبرائيل (عليه السلام) وقال: يا رسول الله أي عبد من عبيد الله سبحانه وتعالى أو أي أحد من أمتك يا محمد قرأ الدعاء ولو مرة واحدة في العمر بحرمتي و جلالي ضمنت له سبعة أشياء :

رفعت عنه الفقر

أمنته من سؤال منكر و نكير

أمررته على الصراط

حفظته من موت الفجأة

حرمت عليه دخول النار

حفظته من ضغطة القبر

حفظته من غضب السلطان الجائر والظالم

الدعاء:

لا اله إلا الله الجليل الجبار لا اله إلا الله الواحد القهار

لا اله إلا الله الكريم الستار لا اله إلا الله الكبير المتعال, لا اله إلا الله وحده لا شريك له إلها واحدا ربا وشاهدا أحدا وصمدا ونحن له مسلمون, لا اله إلا الله وحده لا شريك له إلها واحدا ربا وشاهدا أحدا وصمدا ونحن له عابدون لا اله إلا الله وحده لا شريك له إلها واحدا ربا وشاهدا أحدا وصمدا ونحن له قانتون, لا اله إلا وحده لا شريك له إلها واحدا ربا وشاهدا أحدا وصمدا ونحن له صابرون, لا اله إلا الله محمد رسول الله , اللهم إليك فوضت أمري وعليك توكلت يا أرحم الراحمين

..

وصلني هكذا و لا ضير من نشره

.