عن طريق بلقاس .. كنت رايح الحامول لقضاء واجب اجتماعي
بعد قرية الجرايدة ( معقل الوفديين آل سراج الدين ) شفت المنظر دا
صورت المنظر دا ع الطاير
بالله عليكم : حد يقدر يقول للبقرة : عيب اوعي تعملي ( بيبي ) في الترعة اللي بيشرب منها الناس ؟؟
كام بقرة و كام جاموسة بتيجي تاخد شاور هنا ؟
و كام مكان بيستخدم كـ ( شاور ) في الترعة دي على طول امتدادها .. و على طول امتداد ترع و أفرع النيل في مصر ؟
دا اظن مصدر واضح من مصادر اصابة البشر بتوعك يا مصر بالتهاب الكبد الوبائي
انا عرضت الصورة دي على اخويا و باتناقش معاه .. هي البشر مش عاوزة تنضف ليه ؟
قال لي : خد الاسوأ من كدا .. مياه الصرف بتاع بلدنا .. بيستخدموها في مناطق على اطراف زمام الاراضي الزراعية بتاع بلدنا و بيرووا بيها المحاصيل
كنت هالطم على وشي
.
ليست هناك تعليقات:
إرسال تعليق