كوبري الفردان
ظروفي في الاجازة كانت صعبة جدا .. و كانت اعصابي في اشد حالات الانضغاط .. و لاخراجي من الظروف دي تم الاتفاق على اخدي للعريش .. اعيش يومين في جوها الهادي .. حجة المرواح للعريش موجودة : علشان اشوف قطعة الارض اللي اشتراها اخويا ليا و كنا متفقين قبل نزولي لمصر اني اروح معاه العريش و ادخل سينا لاول مرة في حياتي .. اتفرج على الارض و موقعها و طبيعة المكان
تعرفوا انا اشتريت الارض دي ليه ؟؟ علشان يكون ليا و لاولادي شبر في ارض منتظر من بني صهيون يفكروا يقلوا ادبهم و يرجعوا لها تاني .. الشبر دا اروح انا و اولادي ندافع عنه .. او يكون محل اقامتي انا و اولادي .. و دي وجهة نظر بقت قوية بعد الزيارة .. المهم تم تجنيد كافة وسائل الاقناع للموافقة على السفر للعريش .. وافقت تحت ضغوط الاقناع .. لكن عامل الرغبة كان جوايا انا .. كنت عاوز اقابل هناك طيف احكي له قصتي و الاقي عنده فرحتي .. طيف انا متاكد انه عايش في هواها
الصورة اللي فوق دي صورتها بالكاميرا بتاعتي من داخل الاوتوبيس بعد ما دخلنا الحدود الدولية للدولة السيناوية
ايه حكاية الدولة السيناوية دي ؟
دي قصة تانية ممكن ابقى اقول لكم عليها
هناك تعليقان (2):
مرحبا ، انا احب بلوق.
فقط أكتب ما يمكن ان يترجم.
أ الحضنه من البرتغال
ناس تحلم تسافر بلاد بره وناس حلمها في الصحره في بلادها
عجبي
إرسال تعليق