.
.
ستة و تلاتين ساعة و انا نايم ..
اصحى الاقيني في دموعي عايم ..
من غير جمال في رمال هايم ..
عاوز ارسي على بر يا ولداه
.
يلقفني كاب أو عمة ..
أو منجل أحمر أو نجمة ..
أو عم سام ابن الهرمة ..
نفسي استريح يا عباد الله
.
يا ليلى ناوليني اديكي ..
دا انا بالعيون و روحي افديكي ..
و اشيلك في صدري و احميكي ..
من غير تعب ما تكونش حياه
.
اضرب بعزمي الفاس للخير ..
و ف مصنعي المخ خطير ..
مدرستي في المسجد و الدير ..
و بكره جايب النور وياه
.
اقوم آخد فنجان قهوة عربي بحب الهال
.
ليست هناك تعليقات:
إرسال تعليق