.
.
الدستور هو وثيقة و عهد بين الحاكم و المحكوم..
يبقى ازاي اوافق على دستور حمضان و ريحته فايحة ؟
ازاي اعطي الحاكم القادم لفافة فيها ديناميت ممكن يدبحني بيها ؟
كله يقف انتبااااااااااه
أنا الشعب
الشعب هو مصدر السلطات
يعني الرئيس ينتظر مني اني اعطيه الحق
و مجلس النواب ينتظر اني اعطيه الحق
يعني
الريس ينتظر
و مجلس النواب ينتظر
ينتظروني انا المواطن اني اعمل عهد و وثيقة حكم جديدة .. احط فيها كل شروطي .. اللي بيها اضمن اني ارفع واحد منهم و اخفضه برأيي بطريق سلمي
مش ها نقعد كل يوم نعمل ثورة .. و مش ها نقعد كل يوم نعطل حياتنا
يبقى
لا و لا و 70 مليار لا لدستور تم ترقيعه مرات و مرات .. و راجعين ينضفوه ..
لا و لا ثم 70 مليار لا لدستور فيه متناقضات .. اربع سنين و اللا ست سنين ؟
و بعدين
لرئيس الجمهورية عمل دستور جديد ..
حرف اللام دا مصيبة
يعني ترجع لمزاج سعادة البيه القادم
يا يعمل يا ما يعملش
لا يا بويا
نشتغل على نضيف و بلاش ترقيع
...
المصييييييبة الكبرى
حقيقي حلقي فيه مرار
لسه الجو فيه غبار شديد
نفس النمط .. نفس الكذب .. نفس الاستهبال و اعتبارنا اغبياء
من مسألة الكنيسة اللي اتهدمت و جابوا اسباب تافهة يضحكوا علينا بيها
و اللا سعادة البيه المستشار اللي بيخوفنا : لو اعترضنا على التعديلات البلد ها تقع في فراغ دستوري
ايه يا عم المستشار ؟ دي الدنيا نهار .. و احنا مش خرعين قوي كدا
و قال ايه : لازم الريس لازم يحلف قدام مجلس النواب و إلا يبقى باطل
يا عم انت و هو
أنا الشعب
أنا اللي الكل لازم ييجي يبوس إيدي
مش عارف امتى ناسنا يفهموا انهم أس السلطات
سلطة مجلس النواب بياخدها من ايدي انا .. أنا المواطن
سلطة رئيس الجمهورية بياخدها من ايدي أنا .. أنا المواطن
أنا المواطن .. أرفع حزب و أنزل حزب
أنا المواطن .. أجيب رئيس و أرمي رئيس في غياهب الإهمال
ازاااااي ؟
بواسطة العقد اللي بيني و بين الدولة
العقد دا اسمه الدستور
يبقى آخد دستور ابن شوارع ؟
و اللا اعمل دستور في النور
يا ليت قومي يعلمون.
.
هناك 8 تعليقات:
جيت أقولك
كل سنة وأنت طيب وبخير وعقبال 100 سنة متهني وسعيد يارب
اولا .. اشكر حضرتك
و بعدين .. شفتي حضرتك .. يعني يوم عيد ميلادي يعملوا فيه الاستفتاء
كان نفسي اكون في مصر
و اقوووووول لأأأأأأأأه يوم الاستفتاء
و اعمل عيد ميلادي يوم سقوط الدستور الضرير
عامله ايه يا امه .. طمنيني على حضرتك
.
ربنا يخليك يا محمود الحمد لله
على فكرة أنا ها أقول نعم
ديمقراطية وإياك تتكلم :))
وبكرة الأيام هاتبين الحقايق والأغراض
المهم مصر تقوم وكفاية بقى
اصباح الخير يا امه
يعني الديمقراطية ان حضرتك تقولي نعم و انا ما اتكلمش
هي دي الديمقراطية و اللا بلاش
نحن نطالب ان الشباب يحلوا محل الناس التانية و ياخدوا زمام الحكم بقى
و كدا تبقى الدكتاتورية
نقول صح ؟
.
ههههههههههه
لا قول اللي يعجبك يا محمود
بجد الناس احتارت وربنا وحده هو اللي عالم مصر راحة لفين
يا امه
انا كنت بافكر آخد واحدة امريكانية
و كنت فاكر ان الطريق للكرسي ها يبقى ورد
قاموا اييييه
قفلوا الطريق
انا عيني ع الكرسي مهما حصل
اعمل ايه ؟
.
كل سنة وانت طيب
عقبال 1000 سنة في صحة وسعادة
غروب
شكرا
بس سؤال
هو الاكتر 83 سنة و اللا 1000 سنة ؟
.
إرسال تعليق