.
الكسوووووووور
هل الكسور ضعيفة ؟
صح الكسر ضعيييييييف
الكسر ممكن ينسحق بفركة صغيرة قوي
لكن الكسر علشان ضعيف ..
ممكن ضعفه دا يكون سبب قوته المفاجئة
الكسر لوحده .. قلت .. ممكن ينسحق
لكن .. كسر مع كسر مع كسر ممكن يكونوا عدد صحيح
و اعداد صحيحة ممكن تكون قوة ضخمة
و القوة الضخمة ممكن تزلزل اللي بيفركوا الكسور
واضح ان الامة داخلة على مرحلة
مرحلة جبر الكسور
و هندسة الكسور في تكوينات تقدر تفرغ قصور
يا ترى اللي جاي ايه ؟
جمع الكسور لتكوين أعداد صحيحة ضخمة ؟
و اللا النهاية ضرب الكسور و الناتج يؤول إلى الصفر ؟
..
الكسور .. انكسرت نفسهم .. باحتلال روماني نصراني .. ظلم اخوانهم في النصرانية
الكسور .. انكسرت نفسهم اكتر .. باحتلال عربي .. جاي يخلصهم من الرومان .. استحلى القعدة
الكسور .. انكسرت نفسهم اكتر و اكتر .. بتغيير لغتهم الأصلية الى اللغة العربية .. بفرمان من المأمون
الكسور .. انكسرت نفسهم خاااالص .. بتغيير ديانتهم من نصرانية الى اسلام عنوة و بالاكراه .. بفرمان فاطمي .. و تغيير مذهبهم كمان من سني الى شيعي .. برضه بفرمان فاطمي
الكسور .. ضاعت نفسهم .. لما حكمهم الاغوات و المماليك
الكسور اندفنوا تحت التراب .. لما قال لهم الزعيم : انا اللي علمتكوا العزة .. انا اللي علمتكوا الكرامة .. و لما قال : ارفع راسك يا أخي .. جه اخوه يرفع راسه .. ما لقهاش
و من يومها و الكسر فاقد المقااااام .. و تلاشى البسط .. فأصبح كمية غير معينة
الكسور .. لما في يوم .. و دي تقريبا المرة الوحيدة في تاريخ الكسور .. ثاروا على حاكمهم .. الوالي العثماني .. و طالبوا برحيله .. و رحل الوالي .. الكسور ما رضيوش بحكم واحد مصري من الزعيمين الكبيرين عمر مكرم أو محمد كريم .. وافقوا يكون أرناؤوطي .. بس ما يكونش مصري
جبر الكسور بعد دا كله
ها يستخدم عملية جمع ؟ و اللا عملية ضرب ؟
تبقى خيبة لو وصلت لعملية قسمة ؟
ساعتها هاقووووول : صوتي يا خضرة
ضربت الرمل و وشوشت الودع
و اللي قراته اسسسسسود
رحمتك يااااااا رب
.
ليست هناك تعليقات:
إرسال تعليق