محتـــااااااااااااااار يا هووووووووه !!!

.

 

أنا  ناوي  أعتزل 

طيب يا ترى

مستقبل الورشة  أسيبه لمين ؟

للأسطى  دا  ؟

 

 

و اللا 

لشلة الأسطوات دول  ؟

 

 

 

حاجة تحيييييير !!

 

 

.

دليلة : لماذا حلقت شعرك يا شمشون ؟

.

 

 

 

هل الأنثى قابلة للانكسار ؟

  نعم ..

قابلة للانكسار و الانعكاس و التشتت أيضا ..

هذا لو كانت شعاعا من  نووووور   ..

لكن  ..

سؤال في المقابل .. 

لماذا لا تنكسر الغجرية ؟

مع أن الغجرية أنثى  .. و أية أنثى !!!

لعبت بخيال الشعراء و الفنانين و المبدعين

و أطاح بها الهوى في مهب الهوا على قارعة التاريخ

 

الغجرية  حالة  ؟ !!

  ربما هي حالة توهج  .. ساعة احتراق المعبد

 

.

فتوى أم أنس في تحريم قعدة النسوان ع الكرسي

.

سلامتها أم أنس  .. م الفقه اللي اتوحس

و سلامتك يا أنس .. م المخ اللي اتلحس

…

 

الموضوع فيه كلام إباحي  ..  اللي خايفة على نفسها  ..  تغطي وشها و تقرا  .. او تشد الباب و ترجع جري  ..  و قد أعذر من أنذر

……

 

الموضوع منقول بنصه و فصه  ..  يعني حتى الأخطاء سايبها زي ما هي

…

 

تنبيه إلى حُرمة الكراسي وماأشبهها

من مقاعد وآرائك، والله أكبر..

 

 

بسم الله الرحمن، خلق الإنسان، سبحانه له العظمة والامتنان؛ وصلى الله وسلم على حبيب قلبي وقرة فؤادي وفلذة روحي سيدي النبي محمد وعلى آله وصحبه ومن اهتدى بهداه واتبع خطاه. واللعنة والدمار على أعداء الدين، ومتبعي الغرب اللعين، ومن قلدهم واقتفى أثرهم، آمين.

فلقد خفي على الأمة الخطر العظيم لهذا الزمن ومافيه من رذائل وبُعدٍ عن الدين، حتى كثُرت المنكرات والبدع، وزادت الملل والخُدع، وابتعد الناس عن نهج السلف وضاعت العقيدة مع الترف، نسأل الله العافية!

لقد جلب لنا الغرب الشر كله، وكل الغرب شر مطلق، لقد جلبوا لنا مايبعدنا عن منهج الصالحين ويقربنا من منهج الفاسقين والعلمانيين، نسأل الله أن يشل أركانهم ويهدم بنيانهم ويمزقهم شر ممزق!

أيها الأمة: نحن مأمورون باتباع السلف الصالح، فالخير كل الخير في الاتباع والشر كل الشر في الابتداع!. وخير القرون هو قرن حبيبي وقرة عيني عليه الصلاة والسلام ثم الذي يليه وشر القرون هذا القرن ومابعده، نسأل الله العافية فالحذر الحذر ياأمة الإسلام من ضياع دينكم وأنتم لاتعلمون!

إن الكفرة والغرب ممن يريدون بأمة الإسلام شراً، لم يتأخروا والله عن إشغال أمتنا عن المعالي، بنشر الرذائل، وقد سبق لعلماء الأمة الربانيين بيان خطر ذلك في فتوى تحريم الورود، وفتوى تحريم لعب كرة القدم وتحريم عباءة الكتف وتحريم التلفاز وخضراء الدمن وجريدة الوثن.. وغيرها من الفتاوي العظيمة والتي قام ببيانها علماء نحسبهم من أهل الجنة البررة والله حسيبهم ولانزكي على الله أحداً.

إن من أخطر المفاسد التي بُليت بها أمتنا العظيمة مايُسمى بالكرسي ومايشبهه من الكنبات وخلافها مما هو شر عظيم يُخرج من الملة كمايخرج السهم من الرميّة، نسأل الله العافية! وإليكم بيان حرمة استخدام الكراسي واقتنائها والجلوس عليها والنظرإليها, وِفْق تأصيلٍ شرعيٍ من الكتاب والسنة، ومن لنا ياأمة الإسلام غير الكتاب والسنة ثم العلماء الربانيين الذين يعلمون مالاتعلمون!.

ولي في هذا الباب عدة وقفات نسأل الله أن ييسر لي بيانها وتوضيحها لعامة الأمة وخاصتهم:

الوقفة الأولى: إن السلف الصالح وأوائل هذه الأمة وهم خير خلق الله- كانوا يجلسون على الأرض ولم يستخدموا الكراسي ولم يجلسوا عليها، ولو فيها خير لفعله حبيبي وقرة قلبي وروح فؤادي المصطفى عليه الصلاة والسلام ومن تبعه بإحسان. قال جل من قائل عليما { وماآتاكم الرسول فخذوه ومانهاكم عنه فانتهوا}.والله تعالى قال عنه { وَمَا أَرْسَلْنَاكَ إِلاَّ رَحْمَةً لِلْعَالَمِينَ }.  قال شيخ الإسلام: هذا حجة على العباد في طاعة الرسول والاقتداء به كالقُدّهْ.

الوقفة الثانية: أن هذه الكراسي وماشابهها صناعة غربية، وفي استخدامها والإعجاب بها مايوحي بالإعجاب بصانعها وهم الغرب، وهذا والعياذ بالله يهدم ركناً عظيماً من الإسلام وهو الولاء والبراء نسأل الله العافية. وإن من أحب الكفرة حُشر معهم، فقد روي في الصحيحين أن المرء يحشر مع من أحب، فهل ترضون بأمة الإسلام أن تحشر مع الكفرة والعلمانيين والفسقة؟ قال الله سبحانه في محكم تنزيله {ليس عليك هداهم} وقال {ومن يضلل الله فليس له من هاد}. قال والدنا العظيم سماحة الشيخ ابن باز رحمه الله وأسكنه فسيح جناته: الغرب هم أصل الشر والضلال. انتهى. صدق وربي!

الأمر جلل يا أمة الإسلام فكيف نرضى بالغرب ونُعجب بهم وهم العدو {هم العدو فاحذرهم قاتلهم الله أنى يؤفكون}. وقال تعالى ( وإن تطع أكثر من في الأرض يضلوك عن سبيل الله ) الآية , وكما جاء في الصحيحين من حديث أبي سعيد أن النبي صلى الله عليه وسلم قال : يا آدم اخرج بعث النار قال وما بعث النار ؟ قال من كل ألف تسعمائة وتسع وتسعون في النار وواحد في الجنة ) . قال ابن مسعود أهل الجنة هم السلف، وقالت أم أنس في معجمها هم شباب الصحوة المباركة,ولله الحمد والمنة.  أما  أولئك الكفرة فهم حطب جهنم هم ومن تابعهم ورضي بصنعهم {هم فيها خالدون}.

الوقفة الثالثة: وهي مايجلبه الكرسي أو الأريكة من راحة تجعل الجالس يسترخي وتجعل المرأة خاصة تفرج رجليها وفي هذا مدعاة للفتنة والتبرج، فالمرأة بهذا العمل تمكن نفسها من الرجل لينكحها وقد يكون الرجل من الجن أو من الإنس، والغالب أن الجن ينكحون النساء وهن على الكراسي, قال حبيب قلبي وقرة فؤادي ومهجة عمري المصطفى عليه الصلاة و السلام {إن الشيطان يجري من ابن آدم مجرى الدم} صدق بأبي هو وأمي، فلكم من مرة شعرت المرأة بالهيجان والشبق الجنسي المُحرّم وذلك بعد جلوسها على الكرسي،إيو الله، ولكم من مرة وجدت المرأة روائح قذرة في فرجها، كما خبرتُ وكما حدثتني بذلك بعض الصالحات التائبات من الجلوس على الكراسي. لهذا فالجلوس على الكرسي رذيلة وزنا لاشبهة فيه؛ ولهذا وجب على الأمة حماية أعراضها وشرفها ودينها وعقيدتها قبل ذلك!

الوقفة الرابعة والأخيرة: إن الجلوس على الأرض يذكر المسلم بخالق الأرض وهو الله جل جلاله وهذا يزيد في التعبد والتهجد والإقرار بعظمته سبحانه، قال تعالى {وماخلقنا السموات والأرض ومابينهما لاعبين} قال العلامة الشيخ صالح الفوزان قدس الله ذكره: الجلوس على الأرض يجلب البركة والخير كله. انتهى كلامه. وكان حبيب قلبي وقرة عيني ومهجة فؤادي المصطفى عليه الصلاة وأتم التسليم كان يفترش الأرض وكذلك كان الصحابة والتابعون ومن لحقهم بإحسان وبركة إلى يوم الدين. أما الجلوس على الكرسي فهو ينسي الجالس خالق الأرض ويجعله يعجب بصانع الكرسي الغربي مما يخرج من الملة وقد سبق بيانه في باب الولاء والبراء.

وبعد هذا البيان والتوضيح والتأصيل الشرعي لحكم الإسلام من الجلوس على الكراسي وماأشبهها- هل يرضى أحدٌ أن يعصي أمر الله ويرتد عن دينه؟ قال تعالى {ومن يرتدد عن دينه فأؤلئك الذين حبطت أعمالهم في الدنيا وليس لهم في الآخرة من خلاق}.

والآن ياأمة الإسلام بعد أن بلغتكم الحجة الشرعية المؤصّلة بالأدلة من كتاب الله وسنة رسوله حبيبي المصطفى بأبي هو وأمي صلى الله عليه وسلم، ومن سيرة سلفنا الصالح ومن آراء علماء الأمة الربانيين- حين بلغكم ذلك ليس لكم عذر في الجهل، قوموا بواجبكم الجهادي في الإنكار, بإرسال البرقيات إلى ولي الأمر وتكسير الكراسي في المدارس والمستشفيات والصالونات وغيرها من الأماكن التي يضع العلمانيون والفسقة والكفرة والملاحدة فيها الكراسي لإغواء الأمة وإفساد عقيدتها الصحيحة. وإن تكسيرها وحرقها من أعظم أبواب الجهاد وذروة سنامه.

الله أكبر ولله الحمد وسبحان الله ولاعدوان إلا على الظالمين.

حررت الفتوى لسبع ليال بقين من شهر شعبان من العلامة الداعية أم أنس (صلخم).

جزى الله خيراً من ساعد على نشرها.

….

 

كدا بقى  انتهى كلام  أم أنس

نعك احنا بقى  براحتنا

 

…

 

الناس دي واخدانا و رايحة على فين  ؟

هل الناس دي فاهمة الدين بشكل صحيح  ؟

و اللا الناس دي اصلا فاقدة الوعي ؟

الناس دي بتخلط ابو قرش على ابو قرشين 

ايه يا تانتي ام انس  ؟

ما فيش كلام  كدا حلو  عن قعدة الرجالة ع الكراسي ؟

دا ايه الهبل دا  ؟

…

لما الغرب لعين  و اللي بيتبعه يا إما .. يا إما  …

و عاوزة الأمة  ما تقعدش على الكراسي بتاع الغرب

طيب .. بالمرة  بقى  ..  انتي  كاتبة كلامك دا ازاي ؟

ها ترد و تقول : يا ابني دا انا جاهلة  .. لا باقرا و لا باكتب

طب مين اللي كتب يا حاجة ؟ 

ها تقول واحدة من الاخوات

طب يا حاجة .. مش عيب برضه  واحدة من الاخوات

تقعد على كرسي ( غربي ) .. و قاعدة تكتب على كمبيوتر

البروسيسور بتاعه مصنوع في ( إسرائيل )

اظن كدا الاخت دي حامل في اربعة بروسيسور و اتنين تلاجة

و تلاتة عفروتو   أشتاتا أشتوت

ايه الهبل دا  ؟  يخرب بيوتكوا  .. ها تجننوا الأمة

ها نلاقيها منين و اللا منين ؟

يا تانتي ام انس

اكيد الشيلة و العباية  و الأندر  كمان اللي انتي لابساهم

اكيد جايين من الغرب الكافر .. ما هي الامة ببركات امثالك لا بتنتج لا اكل و لا شرب و لا لبس و لا يحزنون

اللهم اخزيك يا شيطان

دا  لبس و لازق  يعني ..  يا ترى دا ما لهوش مضار ؟

.. 

 

الحاجة ام انس كدا بسلامتها  راحت للحج كام مرة ؟

اياك تقولي لي   : كنتي بتركبي الناقة

اوعي تقولي لي  انك بتطبخي بالحطب ع الكانون

طب ايه رايك  في فتوى  اعملها لك الوقتي ؟

الاكل اللي بتاكليه نجس  

و الحكم  .. قياسا على فتواك ..  السكينة مستوردة من الغرب

و عليه فالسكينة نجسة .. لأن الغرب دا ابن كلب نجس

ايه رايك ؟   اظن تلميذ نجيب و ينفع معاكو

..

 

يا ام انووووس

اصحي  يا ننوس

الدين دا  له موازينه

باختصار  اقدر اقول ان الدين  علاقات

علاقة البشر بخالقهم  .. و علاقة البشر بالبشر

علاقة البشر بخالقهم  بيحكمها  باب العقيدة و العبادات

علاقة البشر بالبشر  بيحكمها باب المعاملات و الأخلاق

في باب العقيدة يا ام ننوس  الامر واضح  وضوح الشمس

عقيدة يعني ايمان و توحيد .. و عبادة يعني اعمال تدل على العقيدة زي الصلاة و الصوم و الزكاة و غيرها

و لن ترضى عنك اليهود و لا النصارى حتى تتبع ملتهم

و احنا مش عاوزين رضاهم

و لا تسبوا الذين يدعون من دون الله فيسبوا الله عدوا بغير علم

و انتي بصراحة ما شاء الله  .. و لا كلمة

واخدة الناس غسيل و تشطيف

بس عاوز اقول لك حاجة 

كلامك  ..  معمول مسرحيات .. غطت على مسرحيات الاراجوز عادل امام

..

 

المعاملات بقى  يا ستنا الشيخة  .. حدث و لا حرج

تشمل كل المعاملات بين البشر من اهل الملة و بعضهم و مع من هم خارج الملة

و مش كل تعامل مع ناس من غير الملة ضلال

و اللا رايك ايه ؟

الضلال بالطبخ على البوتاجاز  .. و المكبر اللي بتجعجعي فيه للاخوات  ..  مش ضلال ؟

و الكمبيوتر و النت اللي الاخوات اتحفونا بفتواك  من خلالهم

مش ضلال ؟

طيب لما دا ضلال  بتقرفينا ليه  و طليتي علينا منه ؟

 

 

..

ام انوس

في اشاعة بتقول : الغرب الكافر  عامل عقار مخصوص بيسمن الفتاوي

الكيلو من العقار دا   بكيس من الفضة

الحقي اعملي  محطة تسمين فتاوي  .. و اسمني مع فتاويك

 

…

ربنا لا تؤاخذنا بما فعل السفهاء منا 

حتى و لو محسوبين كدعاة و شيوخ و علماء

 

 

 

.

النفس الأخير

.

 

 

 

 

 

.

عيدية .. شكولاته .. ورد

.

 

 

 

 

 

 

 

ما يحوش الأاااااه إلا ابتسامة

.

 

هي المسألة  سرها  تلات اجوان بس

و آآآآآآدي النتيجة

 

 

و البيه الدكتور

يقول لي لازم تنام على دي

تلات سنين

كل جوووون بسنة

 

 

طب يا صديقي 

ممكن مرتبة طبية ؟

 

 

حتمن  و لااااازمن 

دي

 

 

طب يا صديقي

ينفع السرير الفرعوني دا  ؟

بدون مرتبة

 

 

شاااااااا ممكن

لاااازمن دي

 

 

طب ايه راي سعادتك في الكرسي دا  ؟

مش عاوز انااااام على سراير و لا مراتب

 

صديقي الدكتور

راسه و الف برنجانة

لااااازمن على المقعد الخشبي اللي هواه يرد الروح

 

 

 

يا صديقي

دا انا عاوز ادخل دنيا

 

 

 

صديقي اللدود

راسه و الف كرسي

لازمن المقعد الصيفي دا

 

 

شوف يا صديقي

ايه راي سعادتك

احنا نتحول الى كائنات خشبية

و بلاش التزمت بتاعك دا

 

 

 

كان لازم يعني تغلب فريق البيه الدكتور خمسة ؟

لأ  و ايه ؟   تجيب تلاتة ؟

 

 

طب انتظر تلات سنين بقى

 

.

 

شفت العنصرية يا جدع ؟

 

.

 

 

كل سنة و انت طيب يا دكتووور هاني

ان ما فيرستك  ؟

و ابقى لف حوالين نفسك

شوف مين اللي ها يحميك

.

جوايا للصورة دي كتيييير

.

.

.

.

 

انت حمار أصلي و اللا تايواني ؟

.

 

ممكن  يكون  جحش 

و  لو  حتى كان  حمار 

كل دا ما يضرش

المهم  انه  بيعرف  يشغل  اللي فاهمين

 

بس   يا ترى 

الحمار  مين  ؟

الحمار  ؟   و اللا   اللي الحمار بيشغله  ؟

مش  دنيا عجيبة  برضه  ؟

 

 

 

و كمااااااان

يا ترى

الدنيا دي 

فيها كام مليار حمار

كام أصلي ؟

و كام  ..  ودانهم في حافر الأصلي ؟

 

 

.

جنيه الملك .. و جنيه الحربجية .. هناك فرق

.

 

في أيام الملك

كان البنك الأهلي المصري بيقول  ايه  ؟

أتعهد أن أدفع عند الطلب لحامل هذا السند

مبلغ جنيه مصري

يعني الصورة دي  مش الجنيه 

دي صورة لشئ عزيز  مصون اسمه الجنيه

 

يا ترى كان شكله ايه الجنيه دا  ؟

 

……

 

تعالوا بقى لأيام  الحربجية

دا بقى  الجنيه بتاع الحربجية

 

 

…

 

بيقول لك  : زمااااااان  أيام الملك

كان الجنيه المصري تشتري بيه جنيه دهب

و الصراف يرجع لك قرش صاغ

الجنيه الدهب النهار دا 17/9/2010

بيساوي 976 جنيه من بتوع الحربجية

بذمتك يا مؤمن  … مش دي برضه قلة قيمة ؟

 

..

 

سؤال استهبالي  :

في ايام الملك .. فيه اعتراف ان فيه شئ غالي اسمه الجنيه

لكن مش متاح تشوفه لانه غالي 

بيعطوك  سند  بموجبه  تقدر تاخد جنيه  او قيمته

 

..

 

في ايام الحربجية

بيعطونا حتة ورقة و يقولوا دا الجنيه

و الجنيه الغالي راااااااااح 

السؤال بقى

الجنيه الغالي  .. راح فين ؟

هل .. في اول خبطة لاختفاء نص احتياطي الدهب بعد شهور من الانقلاب ؟

و اللا  لما اتباع النص التاني في حرب اليمن  ؟

 

..

 

 

مش لو كان الواحد طلع جاهل .. لا بيقرا و لا بيكتب

مش كان اريح للدماغ  ؟

 

.

هلت الأعياد

.

 

 

 

 

عيد

بأية حال عدت يا عيد  ؟

 

 

 

 

 

.

الأسطى ساعة ما يغضب

.

دي كانت نفخة غضب في وش مشرف عام في احد المنتديات

فهم كلامي بالغلط .. او بالأحرى ما فهمش كلامي

راح معلق تعليق سخيف في الموضوع و قام قافله

الاسطوات ما بيغلبوش

عملت موضوع كمبيوتري جديد

و صدرته بالعلقة السخنة دي

..

(المنتديات العربية صورة مصغرة من الحكومات)

.

عجبي على دنيا ..

فيها الندل ..

عامل لي كبير

يحكم و يتحكم ..

و يتنمرد على اسياده ..

و هو حقير

مخبر و لا يساوي ..

لأ الأنكى ..

سيادته وزير

يا دوب الخط .. بيفكه

و بيتهته ..

و من خيبته .. عامل لي خبير

و هو يا دووب تقول برغوت أو قملة ..

و لو صرصار .. دا يبقى كتير

آدي الدنيا و ادي حالها ..

يعيش في السجن رجالة ..

و سجانهم .. قالوا أمير

.

قبل الرحيل

.

 

.

 

 

.

 

هنا كانت مرابعنا

هنا عشنا مع الصبار

خيول الريح تحملنا

جمال الصبر ليل نهار

تعانق حلم خيمتنا

و ديك يطلق الأنوار

يسافر في بحار الصمت

بلا نور .. بلا تيار

.

 

 

 

.

يا ديك الفجر .. قوم أذن

.

 

 

 

 

 

‫رماد الدمع يكسي القلب لون ليله

و نور الويل يقول للحب يا ويله‬

و ظل الروح بهت لونه و تاه دربه

و شايفه غريق محيط المر بمنديله

سراب حنطور دا عنوانهم .. يا ويل خيله

يا ديك الفجر .. قوم أذن .. يغني الحب مواويله

 

.

 

.

ايه الفرق .. بين الواد الديك .. و البنت الحنطور

.

 

 

وله   يا حمووووووو

هبو من الازرق  يا وله

في وصلة صياعة  قلما تتيحها  المقادير .. جلسنا فوق كوم تراب  في ليلة صيف مقمرة   .. 

رص  يا واااااااد   .. و روق علينا بالهبو الازرق

قلت لي  بقى  يا افندينا  :  انت  بتشتغل ايه  ؟

مدرس رياضيات 

رياضيات ايه يا مولانا  ؟؟؟  هو انت يا دووووب تقدر على رياضة واحدة  ..  يا عم  قوووم مص لك عود قصب  من الارض اللي جنبنا دي   ..  يممكن لما العودين يتحدوا   تربرب شوية

صهللت الادمغة   …  و  القمر  من بعيييييد  بيحدف دقيق على وش الرجالة

شباب زي الورد المفتح  ..  ما يضرش يعني  من وصلة  فرفشة  زرقا  .. 

النار تلعلع  في حجر  الجوزة  ..  و ريحة  الحشيش آخر سطلان  ..  و هوا  الغيطان   عمال يبعتر  في  الشباب اللي زي الورد  و  لا هوى عبده   في  أغنية  جانا الهوى جانا 

حكايات  و روايات   ..  نكت و قفشات  ..  و امشاط  و فلايات  ..  و غني  يا جدع

ايه يا هندزة  ؟  مش ناوي  تواصل  عادتك  اياها   ؟؟؟؟

ماشي  يا رجالة   ..  بس  مين  اللي ها يمسك الربابة  ؟؟؟

الاستاذ سيد   ..  لعيييب ربابة  .. ما فيش زيه في البر كله

تاااااااااني  ؟؟؟  رياضيات  تاني   ؟   ماشي

الليلة  ..  خيوبن  عليا   لو  ما نزلت  اطلال  السنباطي و ناجي و ام جلسون  و  اخليكو   ترقصوا  وياها  على  نغمات   الصبر طيب صبرنا احسن دوا   بتاع  خالتك  خضرة محمد خضر 

ماشي  يا ريس زكريا الحجاوي  ..  

تمايلوا  يمنة  و يسرة   ..  و أكفهم   تتناغم  على إيقاعات  رتيبة

آه يا فؤادي  لا تسل أين الهوى ى ى ى

كان صرحا من خيال فهوى ى ى ى ى

يبدو   أن  ما قرأه  عن  المدارس  التي نشأت في الغرب لتشويه الأعمال  الفنية  الشهيرة  مثل  الموناليزا قد  أثر عليه  في  الإتيان  على  علامات بارزة  مثل القصائد  المغناة   و قولبتها في  لحن  لو  سمعه ملحنها   لاستأجر له  أربعة شراقوة  يعزموه  مع القطر  و ينتهي من أمره    ساعة الفطار

قول  لنا يا شيخ  سعد   حتتين كدا  من  المشعلقات 

الشيخ  سعد  دا  بقى   قفل  الباب  على عالم  خفة الدم   و بيوزع  منه  بمزاجه 

و تتوالى  القصائد  الحلمنتيشية 

قلوب   انفلتت  من  عالم  الحزن    …  تطير  لا  تلوي  على شئ   ..  تطرب  و  تمرح   و  تتصاعد  مع  رنات  الضحكات  رقصات   ..  تضئ  وجه   البدر   بشعاعات  الأمل  

جمل  بارك  في  المبارك  ..  بياكل الدنيا و هو  بارك

قدييييييييمة   …  دا  فرن  خالتك  روحية

طيب  ..  خالتك  سرية  جاية من البرية  .. بتقول  قلعوني الهدوم اللي عليا 

دي  تبقى  عمتك   الكرنبة  و انت  الصادق

الاستاذ  سيد  :   نضارتي  راحت  فين   ؟

ههههه  …  شوف  يا أستذة  …  المسافة  بينك  و بين نضارتك  زي  المسافة  بين  ما لا نهاية الموجبة  و  ما لا نهاية  السالبة

فرك راسه  بحركة  عفوية  ..  يا ليل  مش  طالع له  نهاااار   …  ليه  ؟  خطفها  عفريت  و  سافر  ؟؟؟

يا  عم   الاستاذ  سيد   ..   مش  انت بتاع رياضيات  ؟؟؟

انت  يا واد   مش  قلت  اني  يا دوب  انفع  لرياضة واحدة بس  ؟؟

نضارتي  فين  ؟؟؟   شكلك  كدا  مخبيها 

يا استاذ  سيد   .. 

مش  انت  بتاع  رياضيات  ؟؟

و بتاع هندسة تفاضلية  ؟  و فضاء  منكوفسكي   ..  و  كون محدودب  ؟؟

يا عم  انت عمال  تقرف  الناس  يوميا   و تقول لهم   لولا منكوفسكي  ما كانش اينشتين  ..  و  اللا  هو  كلام   بيطلع  و خلاص  ؟؟

انت  يا واد  يا هندزة  ها تحيرني  معاك  في  الملعب  العصرية  ..  و ها تطلع  عيني   في  السهرة  الزرقا  دي  كمان   ؟؟؟

شوف  يا عم  الاساتيذ  كلاااااااتهم  كليلة

اقصر  الطرق  ايه  ؟؟؟  

الخط   المستقيم 

يا استاذ   الاساتيذ  …  اذا  ما كنتش  بتقول  ان  نيوتن  مات  و  هو مطمن ع  الرياضيات   لان الاستاذ  سيد  موجود  ..  هو  انت  يا عمنا  مش عارف  برضه  ان  ما فيش  حاجة  اسمها  خط  مستقيم   ؟؟؟؟

يعني  لو  مش  مستقيم   …  ها يبقى  منحني   ..  و المنحني  لا بد  لا بد   يرجع  لبدايته 

يعني   ما لا نهاية  الموجبة   ..  ها تلزق  في ما لا نهاية  السالبة 

ايوه  صح  

طب  حط  ايدك  على  عينك  يا عمنا 

دا ايه  دا   ؟؟؟  الظاهر  الواحد   تاه   مع   المزاج  العالي

 

انت  تعرف  يا استاذ  سيد    

 

تعرف  تقول لي  :

ايه  الفرق   بين  الواد  الديك  و البنت  الحنطور  ؟؟؟

 

 

انا  عارفك   يا واااااد  ..  سفوسطائي   ..  و ما حدش يقدر يسلك معاك

و كفاياني  الليلة دي  من خرابيشك

لا بجد  يا استاذ  سيد

ايه  الفرق   بين  الواد  الديك  و البنت  الحنطور  ؟؟؟

 

يعني إيه كلمة وطن ؟ مع تحديث

.

يا مؤمنين

يا موحدين

مين فيكو مين

يقدر يقول لي

يعني إيه كلمة ( وطن )

…

يعني إيه الشوق إليه ؟

يعني إيه يجري في دمي ؟

يعني إيه إليه أحن ؟

…

يعني إيه أرضى بعذابه ؟

يعني إليه ألحس ترابه ؟

يعني إيه تهون له نفسي ؟

و ف دمايا يتعجن

..

يعني إيه أوهب له روحي ؟

يعني إيه ترخص جروحي ؟

في سبيل كلمة وطن

…

يا ترى كلمة وطن

يبقى لها قيمة في الزمن

لما أحس بكل قلبي

إني عايز أتحضن

و الاقيني كومة في الكفن

؟؟؟ !!!

...

الوطن .. لو خان أماني .. ملعون أبوووه دا وطن

الوطن .. لو داس كرامتي .. ينداس عليه و لا ينسكن

الوطن .. لو باع شروقي .. يبقى مصيره للعفن

....

يمكن نكمل

…

مصر يا امه يا بهية

الطمي خدودك عليه

نوحي و شقي الجلابية

راضية هواني بين كلابك ؟؟

مش ها تشوفيني مرة تانية

…

هوووووس .. اسرائيل غلطانة يا جماعة .. بس خلاص اتخرصوا بقى

.

خلاص خلاص خلاص

ما توجعوش دماغنا 

ما قلنا  ان  اسرائيل  غلطانة 

عاوزين ايه  اكتر من كدا  ؟

زعقوا زي ما انتو عاوزين

اشتموا  زي ما  انتو  عاوزين

اشجبوا زي ما انتو عاوزين

يااااااااااااااااااه  ..  علشان  ما كام واحد اتقتلوا 

و اتمنعت معونات إغاثة

ها تعملوا مناحة  ؟؟

اعمل  تحقيق يا جدع  و على اقل من راحتك

و ابقى وافينا بالنتيجة

دي امريكا  اللي اسمها امريكا   .. 

اسرائيل دمرت لها سفينة  حربية في نفس المكان

و امتى ؟  بعد حريقة 1967  او  وقتها

لا  امريكا عملت تحقيق و  لا  يحزنون

و لغاية النهار دا  مكفي  على الخبر  ماجوووور 

حتى الامين العام للامم المتحدة  ..  قتلوه

ايه اللي حصل يعني ؟

…

على راي ناس بلدنا

اللي في ضوافره طين  يطلعه

و احنا مش بس ضوافرنا ..  دا وشنا متعاص طين

نسينا الرجولة  ..  و لابسين طرح  ..

و عن  قريب ها نقول ماااااااااااااااااء

لاننا قطيع  غنم  … 

حتى الغنم  زعلانة من التشبيه

…

يا اولاد  هاجر 

يا عبيد  تحت رجلين ولاد سارة

لسه  ناويين تطولوا  المهانة  ؟؟

لقد ناديت إذ أسمعت حيا

و لكن

لا حياة لمن تنادي

…

دبوس

على حسب علمي الضئييييل

العالم  فيه دولتين  يس  ..  باسم  شخصين

دولة اسرائيل  ( يعقوب )  و دا نبي

دولة السعودية ( آل سعود )  بس دا نبي ؟؟؟ !!!

و الاتنين في أرضين مقدستين

اسرائيل في أرض الأقصى

و آل سعود في أرض الحرم

يا ترى  …  الأنفاق  تحتها  اييييه  ؟؟؟؟

ههههههههههههههه

الاهبل  اللي اسمه  انيس منصور 

كان  بيقول ايه  ؟

فيه  نفق  بيوصل  هضبة  التبت  بالفاتيكان

يبقى  فيه  كام نفق  في  الناحية التانية ؟؟؟

…

ملك أوروبي 

أغروه بالمتعة

دخل بيت الخسة

لقى  العشيقة المنتظرة  …  مرااااته

…

اسرائيل  حكمت امبراطريات العالم

من عصر هداسا  إلى عصر مونيكا

و  اللي  مش فاهم  يستفهم 

…

قوانين  الامم  المتحدة  لا تسري على  بني اسرائيل

أبناء الله و أحباؤه لا يسري عليهم قانون البشر

بل كتاب الله 

التوراة

أو

القرآن

الفقرة الأخيرة  دي  هي لب الموضوع

و احنا لسه في طور  التوراة

أما  طور القرآن  ..  فلم  يئن  له الأوان

…

عمنا الشيخ  ابو العز     فرسني  و غاظني

و كنت ناوي اخبط  موضوع  في الفرسة دي

عمنا الشيخ ابو العز 

علي بن علي بن محمد بن أبي العز الدمشقي

عامل شرح  للعقيدة الطحاوية

عمنا  ابو  العز  ذكر مقولة  للامام ابي يوسف

و  الامام  ابو يوسف من اصحاب ابو حنيفة

عمنا ابو يوسف  بقى  قال ايييييه  ؟

من طلب العلم بالكلام  تزندق ..

و من طلب المال بالكيمياء أفلس

و من طلب غريب الحيث كذب

…

هل يا ترى

كلمات ابو يوسف  لها دخل في اللي احنا فيه ؟

يعني  الامة ها تفلس لو  اشتغلت في الصناعات الكيماوية ؟؟؟

و تبقى مصيبة  لو  قالها واحد من شيوخ النص

الشيوخ اللي معاهم دكتوراة  في نص العلم 

لكن ابعد  ما يكون عن روح العلم

واحد  منهم كان بيسالني : 

انت يا واد  يا مهندز 

هي الارض مربعة  ؟؟

الموضوغ تقيل 

و ممكن  تتعمل فيه رسالة دكتوراة

 

التكية السعودية في مصر .. حزر فزر .. تطلع ايه ؟

.

العرب ناس عندهم انفصام شخصية

اجدع ناس في التنظير

و أسوأ ناس ساعة تطبيق اللي بينادوا بيه

تلاقي الدقن نازلة لغاية كاحل القدم

و الوصايا التسع عشرة نازلة فوق دماغك

تقوم سعادتك تتخص من الفذ العلامة الحبر البحر الفهامة

فريد العصر و الأوان .. ذي الفهموت و الصولجان

لكن بقى تشوف تعاملاته .. تعطيه استمارة ستة

و تكبه في أقرب مقلب زبالة

..

في أيام ثانوي رحنا نلعب كورة في بلد بعيدة عن بلدنا

كان معايا واحد من اولاد اعمامي من فرع العيلة في كفر الشيخ

خلصنا الماتش

طالعين مروحين

طقت في نافوخي اشرب شاي

يا كابتن دي بلد صغيرة .. لا قهوة و لا كافيتيريا

هاشرب شاي

سلامو عليكو

و عليكم السلام و رحمة الله و بركاته

اتفضلوا يا كباتن

احنا متفضلين يا حاج من قبل ما تعزمنا

قعدنا ع المصطبة قدام الدار .. شاي يا هنية

شقاوة الشباب مع راجل خمسيني دمه زي العسل

الراجل جزار اد الدنيا

قعدنا .. انتو منين يا كباتن

من دميرة يا حاج .. و ابن عمي من بيلا

الكلام لفلف يمين و شمال .. من كل لون يا خضرة

قام ايه

دخل في الكلام عن السعودية و ناس السعودية

و انه راجع من اسبوع .. معلنا التوبة عن انه يسافر تاني

و انه زمااان كان سافر للحج و هو شبل مع ابوه و امه

قال : همه نسوا ؟ الله يرحم الأيام

لما كانوا بيروحوا في اماكن الحجاج المصريين

ياكلوا قشر البطيخ اللي بيرموه المصاروة

قام ايييه

قال لك .. دي التكية المصرية كانت مفتوحة ع البحري

قام ايييه

السعودية اشترت التكية المصرية

اصلها كانت وحشة قوي في وشهم يا ولداه

….

الوقتي بقى

مين الشاطر اللي يقول لي :

أين تقع التكية السعودية في مصر ؟

مش باهزر

انا باتكلم جد

اللي ها يعرف .. ها يزعل قوي قوي قوي

..

في ايام الملكية .. كانت مصر لها تكية

في ايام الحربجية .. السعودية احتلت حاجة غالية

و عملتها تكية

حزر فزر تطلع ايه

.

سياحة .. مع فنجان قهوة

.

 

 

مرة واحد من الفلاسفة  قال :

قل كلمتك .. و امش

ممكن الكلمة دي  .. ما تلاقيش حد يسمعها في وقتها

لكن .. احتمال تتسمع  بعد عمرين طوال

و احتمال  مفعولها يبدأ بعد قرن من الزمان

المهم  ..  انك  تقول كلمتك  .. و تتكل على الله 

و تمشي

..

هل تحب  تبقى  قطر  و اللا بسكليته  ؟؟

و ليه  ؟

و ايه  مزايا و عيوب الانسان القطر ؟؟

و ايه مزايا و عيوب الانسان البسكليته ؟؟

خد لك  وردة

 

 

 

.

يوبيتو .. بلاش من منيرة المهدية .. خلينا في الروماني

 

 

 

 

 

فين طريقك فين ؟؟ … القبر بين الاتنين

.

 

فيه  ايه  بعد  كدا   ؟

 

 

 

 

ممكن  يكون  دا  ؟

 

 

 

و اللا    دا  ؟؟

 

 

أو

  ممكن  دا  ؟

 

 

 

 

 

 

 

استرها يا رب

 

.

البرادعي اتحرق يا رجالة .. جردل ميه بسرعة يا بت يا هنية .. مع تحديث

.

اقدر أقووووول ان البرادعي اتحرق .. و احتمال يكون وصل لمرحلة التفحم

دا كان موجز الأنباء

التفاصيل .. ربما تأتي بعد قليل

أو احتمال تتبخر قبل ما توصل صفحات المدونة

.

اللغز هو .. ماكوندو

اقرأ تاريخ ماكوندو .. تقوم تعرف اصل و مستقبل اللعبة

يقف على رأس قافلة أدباء أمريكا اللاتينية الأديب العالمي غابرييل غارسيا ماركيز

الراجل دا اخد نوبل في الادب ايام ما انا اخدت نوبل في اكل البسكويت

اقرا خريف البطريق و مئة عام من العزلة و لا أحد يكاتب الكولونيل على سبيل المثال

في خريف البطريق عبارة تساوي تقلها دهب في تشريح الانظمة الدهرية

( أمة بلا عظماء .. أمة بلا تاريخ ) عبارة لها امثلة اوضح من الشمس

العبارة على فكرة بتضرب في مقتل .. مش زي ما ممكن تتصور لاول وهلة

المهم

الواحد لما بيبص كدا على شط تاريخ منطقتنا العربية بييجي له اكتئاب

الحكم حتى الموت

الموت .. او القتل .. او السجن .. او النفي

القتل في سبيل الحكم .. دي علامة مميزة جدا في تاريخنا العربي

تنتهي حقبة و تبدأ حقبة باعتلاء ظهور الخيل و قعقعة السيوف .. أو دس السم

في تاريخنا العربي نماذج لناس حكمت سنين طويلة و هي في حكم الموتى

..

نروح بقى للشعوب

الشعوب بقى ناااااايمة .. او واكلين شكولاته مسمومة

شعوب يحكمها عبيد .. ما يضرش

يحكمها اغوات .. ما يضرش

يحكمها ناس تبدل دينها .. يا راجل طنش

يحكمها اللي يضربهم بالصرمة .. آهي صرمة تفوت و لا حد يموت
.

الناس يصنعون فراعينهم

العبارة دي انا قلتها بعد اكتر من تجربة انسانية شفتها بعيني

اكتر الناس بتميل طواعية الى تأليه المسئول و فرعنته .. بدون طلب منه

...

ننط بقى على حالة عجيبة غريبة

ما اعرفش انا اللي فاهم غلط و اللا ايه الحكاية

الاخوان كانوا جماعة لها ايدلوجية معينة

كانوا عاوزين يوصلوا للحكم

يبقى لازم يكون لها درع و سيف

قام اييييه .. واخدين المقاطيع الضباط الاحرار بالحضن

الضباط ها يوصلوهم للحكم

قام ايييه .. المقدم جمال بيه عبد الناصر مقطعهم حتت

عاوز افهم بقى

ليه الاخوان بيشتكوا من ظلم العسكر ؟؟؟

مع انهم كانوا معاهم يدا واحدة

الطمع قل ما جمع

.

عسكري شطرنج

قراءة التاريخ العربي الرسمي تخلي الواحد يكره نفسه

لان اللي بيكتبوه بيسبحوا بحمد اللي فرعنوه

علشان كدا .. انا باقرا التاريخ بطريقتي الخاصة

انا عن نفسي باعتبر المقدم عبد الناصر و زمرته عسكري شطرنج

زيه زي حامد قرضاي .. و اياد علاوي .. و لوران كابيلا

لما تسمع عن لوران كابيلا .. فتش عن الألماس

الامبراطورية الامريكية لعبت بعساكر شطرنج كتير

...

ندخل في خبر البرادعي اللي اتحرق

قلنا ايه ؟ المسبحين بحمد اللي بيفرعنوه كتير جدا و متطوعين يعملوا بدون طلب

اونكل برادعي .. دا راجل رومانسي جدا

جاي على جناح فراشة بفلسفة رومانسية حالمة

جاي يعمل ايه ؟؟؟

بيطالب بالتغيير

الراجل دا عبيط و اللا بيستعبط ؟؟

هل اللي جاي يغيرهم ها يسيبوه يغيرهم ؟

هل اللي جاي يغير علشان خاطرهم ها يقفوا معاه ؟

انا ليا راي سلبي جدا جدا جدا في مسالة التغيير دي

مش معنى دا اني رافض التغيير

نو نو نو نو نوووووو .. دا انا نفسي التغيير يبقى الوقتي و حالا

لكن .. ابقى قابلني

الواد بلية .. كان معايا ع المسنجر

اعطاني رابط الجمعية الوطنية للتغيير .. و قال لي انه فقع صوت بيايد فيه اونكل برادعي

انتهى الحوار بان الواد حصل له اكتئاب من كلامي له

انا عاوز اتجوز و اجيب عيال و اربيهم .. بلا برادعي بلا سروجي

المهم

الفترة اللي فاتت .. كنت مشغول لشوشتي في كورس تدريبي

دكتور ديفيد و دكتور آشلي كانوا واخدينا مقاولة يوميا من تمانية صباحا لتلاتة ظهرا

4 محاضرات يوميا لغاية ما نسوا الواحد الزنباع وين ينباع

لما اتفك اسرنا .. الواحد انطلق ع البحر

بعد كدا .. عدنا للحياة العادية من تاني

امبارح بقى .. قلت ناقصك حاجة يا اسطى .. ناقصك ايه ؟

اااه .. ايوه صح .. شوية صياعة

صياعة الاسطى بين ارفف المكتبات

المهم .. عيني وقعت على ايييييه ؟

مجلة روزاليوسف

الغلاف عليه صورة شكلها قبيح لاونكل برادعي و الريسة سلمى

العنوان بيقول : مقارنة بين الريس محمد و الرئيسة سلمى

عنوان تاني : شهادة من عالم مصري كبير في الطاقة الذرية :

البرادعي كان العقبة الاولى امام تطور البحث النووي في مصر

قلت على طول : البرادعي اتحرق يا رجالة

قلنا ايييه ؟ تطوعا .. هناك من الجحوش من يفعلون ما لم يطلبه اللي فرعنوه

دخلت النت و شفت فلم الريسة شريهان .. ظريفة الريسة

قوووم ايييه ؟ عملوا مقارنة بين الريس و الريسة

الراجل في البداية .. اتهموه انه دسيسة امريكاني

لقوا انه مش كل مرة الناس ها تصدق زي ما صدقوا ايام ايمن ظلام

دخلوا بقى في البرجوازية و قصر في فرنسا

يا اولاد القديمة .. يعني الراجل ها ييجي عينه مليانه .. ممكن يطلع من جيبه و يعطي

يعني ممكن يغير الماسورة المكسورة

بيقول لك بقى .. البرادعي بتنقصه الخبرة السياسية

اي نعم .. تنقصه الخبرة السياسية بالمعدل المصري الجنرالي

المهم

الماكينة الاعلامية شكلها شغالة لحرق الراجل

نروح خطوة للامام

لا البرادعي و لا غيره

الدسطور .. دسطور يا اسيادنا .. قطع الميه و النور

اللي مش عاجبه .. قدامه حل من اتنين

انقلاب عسكري .. او .. الثورة الفرنسية

و كلاهما اضغاث احلام

..

انا عاوز اوصل بس لعالم الذرة

بيقول ان البرادعي كان العقبة الاولى امام تطور البحث النووي في مصر

و علشان البيه استاذ كبييير في هندزة اسكنجرية ..

انا عاوز اقدم له تحية اسكنجراني تعمل زلزال في الكرة الارضية

تقوم الكورة الارضية تنضف من النفاق الفج دا

ما تصحى يا دكتوووور

اللي قيد الذري و النووي و العسكري و الاخلاقي كان البيه المقدم

المقدم عبده هو اللي وقع على معاهدة انتشار الاسلحة النووية

و المقدم هو اللي فقرنا بحروب ما كانش لها لزوم بالمرة

النووي قرار سيادي يا عم الحاج

باكستان هناك اهيه .. عندها النووي .. و عندها عالم قامته كانت اعلى من رئيس الوزراء

العالم دا راحت هيبته ايام العسكري برويز مشرف .. و دخل السجن لاجل عيون الامريكان

فهمت يا عم الحاج و اللا اقول كمان ؟؟؟

العالم الباكستاني .. علشان يسرق سر النووي .. اشتغل فراش

..

انا نمت و صحيت و نمت و صحيت و اتغديت و نمت

و كنت كل شويه اكتب اي حاجة تيجي في بالي

فلو الكلام مش مربوط ببعضه .. كل واحد يربطه بطريقته

انا ناوي اتجوز واحدة فيها عرق اجنبي

لاني بافكر .. بعد عمرين طوال .. اكون الريس

ريس مركب في اعالي البحار

اقوم انااام ؟؟؟؟

يا عم انا زهقت من الكتابة .. روووووح

كفاية كدا

.