.
آآآآآآآآني يابا المفتي و يا جدو شيخ الازهر حتة أسطى مسكين لا راح و لا جه .. يا دووووووب حتة ( نحو أمية ) … و دي يعني كدا لا مؤاخذة .. شهادة معلقها في المندرة بتاع دارنا اتمنظر بها ع اللي رايح و اللي جاي .. بس الحقيقة اااااااني لا باعرف افك خط و لا استقرا جواب
يعني .. مش انا اللي هاعلم فحول العلم زيكوا .. ااااااني بس هازعق و اقول : الحقوني يا هوووووووووه .. تصحوا فضيلة المفتي و فضيلة شيخ الازهر رضي الله عنهما و أرضاهما
ما هو لما تحصل مصيبة زي اللي حصلت و ما اسمعش حس للنفرين دول بالذات .. يبقى لازمن و حاااااتمن ارفع عقيرتي لاعلى طبقاتها
نورنا يا اسطى .. عاوز تقول ايه ؟
شوفوا يا بشر و احكموا على كلامي .. لو غلطان قولوا غلطان ..
لما تطلع وسائل اعلامنا .. و تتهم منتخبنا بفعل الفاحشة .. يبقى احنا هنا قدام مصيبة
ااااااني هنا لا بادافع عن منتخب و لا عن كورة و لا حاجات من دي
اااااني تركيزي كله على حالة قذف
و اعلام عام وطني من داخل بلدنا ردد الكلام دا على مسامعنا و على مسامع اسرنا نسوان و رجالة و صبيان و بنات .. و ابوك السقا مات !!!
طيب يا عم الحاج .. حتى لو انت شفت بأم عينيك .. لو قلت .. لاااااازمن و حااااتمن يقام عليك حد القذف
و دي مسألة فقهية مش متدارية .. و اللي قعد قدام مولانا في الكتاب زي حالاتي و قرأ سورة النور على مولانا .. لازم يكون عارف الكلام دا .. أررررربعة شهداااااااااء .. لأ و اييييييه ؟؟؟ بشروط يعني ما ينفعش تتحقق … و كتب الفقه معروف فيها ايه للقضية دي
طب دا حصل .. و تليفزيوناتنا و فضائياتنا و جرايدنا قااااااالوا … و كل الناس زعقت … اللي شتم معاهم و اللي قال عيب يا اخواننا ما يصحش … الأصوات دي ما خرمتش ودان أسيادنا الفقها الكبار !!!!!!!
هل يا ترى ابونا الفاضل مفتي الديار و جدنا فضيلة شيخ الأزهر قالوا حاجة في الموضوع دا ؟
احتمال قالوا و انا ما عرفتش ؟؟؟؟؟
لو كانوا قالوا يا اخواننا حد يطمني … ان عندنا رجالة بتقف في الوقت المناسب تقول كلمة تضبط الموازين
طب لو كانوا قالوا .. ما سمعتش انه اترفعت قضية على المذيع الفلاني و الكاتب العلاني .. و في انتظار تطبيق حد القذف عليهم
و اللا كلام فضيلة المفتي و فضيلة شيخ الأزهر ما يسخنش حلة مية ؟؟؟ !!!
طب لو ما كانوش قاااااااالوا
ارجوكوا كووووووووووولكوا .. معايا في نفس واحد
نصحي فضيلة المفتي و نصحي فضيلة شيخ الأزهر
لأنه بصراحة كدا … السكوت على مسألة زي دي قلة أدب قومية
على رأي شعبولا
اصحى يا عم المفتي … اصحى يا شيخ الأزهر
و هيييييييييييييييييييييييييييييييييييييه
بس خلاص
هناك 14 تعليقًا:
ههههههههههههههههههه
الضرب في الميت حرام
دول يا اسطى اموات مش نايمييين
انا بخير الحمد لله
أشكرك على السؤال
ربنا يخليك يارب
wfhp hgtg dh lugl
باح الفل يا معلم
ماما أمولة
المثل بيقول ايه ؟؟؟
النايم في ذمة الصاحي
و اهو احنا بنصحي
و الا ها نقرا سورة يس
او لو احتاج يعني ها نقرا سورة الملك
ربنا يرحم امواتنا جميعا
كلام على بلاطة
اتشرفنا بزيارتكم الميمونة
و ها نقول ايه ؟
احلى صباح على سيد المعلمين
و بس خلاص
لا ياسيدى لا ياعم الاسطى
انت عشرة على عشرة ومش غلطان طبعا
تحياتى
احمد الشاعر
elsha3er
اولا : اتشرفنا بخطوتكم الميمونة في ساحة المدونة
تاني حاجة : هات الربابة و تعالى ع المصطبة نغني .. دا انا اصلي عاشق صبابه و القلب تاه مني
ههههههههههه
البوست جميل
ده اول زيارة ومستنية زيارتك
كلام في الحب
طب دي بقى هههههه فوق الههههههه بتاعتك
اما عن ان البوست جميل فدا اكيد .. دا الاسطى اللي عامله
و الزيارة .. من عنيا
واد يا بلية .. تقفيصتين عنب بناتي معطر و شرحهم مانجا الفونصو على تشكيلة خوخ على تين على كمترى و تسبقني يا واااد
ما تنساش يا وااااد .. قفص ديوك بلدي من اللي عرفها بينبع دم
نورتي يا استاذة
السلام عليكم
تعتقد انه ده الموقف الوحيد اللي المفروض يفوق ويصحي عليه
ما فيه مصايب كتيرة - هو بنفسه ضلع فيها
مش يقدر يعمل حاجة - لن القيادة السياسية لم تعطيه الضوء الاخضر لذلك
،،،،
كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه
وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم
وارزقنا العفاف والرضا - والمحبة واهدينا يا عظيم
وأعنا علي القيام والصيام والصلاة والارتقاءالي جنة الفردوس
واجعلها لنا ميراث خير وسعادة
واجعلنا من عتقاءك في هذا الشهر يا معطي يا وهاب
وارزقنا حلاوة القرآن و حسن تلاوته
وتدبر معانيه وفهم علي النحو الصحيح
ورطب ألسنتنا بذكرك يا الله
عشرة على عشرة يا عم الاسطى
كلام جاب جون ماجيبناهوش فى امريكا
لكن لا لوم على المزيع صبى رقاصه ولامؤاخزة اللى اتكلم على منتخب بلد (يعنى البلد) ولو طلع العيب من اهل العيب يبقى لالوم
عمرو اديب خريج كباريهات لبنان لايمكن لعاقل واحد ان يشاهد اى برنامج ليه الا ولازم يشيلوا من جنبه اى فردة جزمة ولامؤاخزة عشان مايحدفوش بيها لان خسارة يكسر التلفزيون عشان سفيه افاق لايعلم من الادب الا ماتربى عليه على البيست وهو بيقدم الراقصة اللولبيه
تحياتى ياعم الاسطى الشيك
بجد ضحكتينى ولغتك تجنن
كل عام وانته بخير
تمنياتي بقضاء عيد سعيد
hasona
شرفت و آنست
و عملت بنصايحك
نقول ايه ؟
ها تشرفنا رمضان الجاي ؟
اكيد يسعدنا تشريفك لنا كل يوم
.
أحمد حسن البنا
ايه يا عم الاديب .. دا احنا كدا نفخر بزيارة اديب كبير زيك للورشة بتاعتنا
انا بقى كيييف كور لولبية .. تقولش الواد البرتو كارلوس في زمانه
تلاعبونا شد الحبل ؟
.
اقصوصه
شكرا على العيدية الجميلة دي
.
إرسال تعليق