حماس .. هل بتنفذ مخطط ؟؟ ( مع تحديثات )

.

الخيوط متداخلة و متشابكة .. عاوز افك الخيوط دي من بعضها

كل شوية بتظهر لي نقط جاية من كل اتجاه بتثير الحيرة في نفسي

فيه حزمة تصرفات غريبة بتشعلل زناد تفكيري

…

بيقولوا عنه .. الغائب الحاضر .. و بيترحموا على أيامه …

وصل الأمر في مصر مثلا أن قامت قوات الأمن في عهد الرئيس عبد الناصر إلى ترحيل العديد من الطلاب الفلسطينيين بملابس النوم إلى العراق وسوريا عقب قبول عبد الناصر مبادرة روجرز للسلام.

الكلام دا قرأته في موقع الجزيرة … و كلنا عارفين ان الجزيرة معقل لجنرالات الاعلام المضاد لمصر مبارك على وجه الخصوص

انقر هنا

تهجير الفلسطينيين

…

انقر هنا كمان

السلطة الفلسطينية تنفي طرد مواطنيها من الامارات وتؤكد انها 'مزاعم لحماس روج لها الاعلام الايراني

……

اللي يقرأ في المذاهب و الفرق الإسلامية .. لاااااازم يتوقف عند التحالفات اللي الواحد بيشوفها دي

حماس بنت الإخوان .. ماااشي .. نعديها دي

حماس تكره الأنظمة العلمانية .. ماشي .. ما هي بنت ابوها

لكن تحالف اخواني شيعي ؟؟؟

تحالف إخواني وهابي ؟؟

تحالف إخواني زيدي ؟؟

…

هو ليه المقاومات الاسلامية بتتلخص في حزب الله و حماس و بس ؟؟؟؟

ليه المقاومة اللبنانية بتختصر إعلاميا في حزب الله و بس ؟؟

مع انه فيه مقاومات اسلامية تانية

و المقاومات الاسلامية دي موجودة في غزة

و خلي حد منهم يفتح بقه … شوف الحمساوية ها يعملوا فيه ايه

…

الفلسطينيين .. ليه انضربوا في الأردن في أيلول الأسود ؟؟

و ليه انضربوا في تل الزعتر ؟؟؟

و ليه الفلسطينيين الوقتي عايشين في لبنان تحت الخط الآدمي ؟؟

ليه انطردوا من الكويت ؟؟؟

ليه ؟ و ليييه ؟ و لييييييه ؟

تحديثاية صغيرة : اتضح لي كمان .. ان عمنا انور طردهم من مصر

السبب ايه يا مولانا ؟

قال لك : جوه بلدنا .. و الاذاعة بتاعتنا .. و اعطيناها لهم علشان يشرحوا قضيتهم .. قوم ايييه ؟؟ يشتمونا فيها و يشتموا دولتنا .. زيهم زي المساطيل التانيين بتوع العراق و سوريا و ليبيا و الجزائر .. و يتهمونا و يتهموا رئيسنا بالخيانة و العمالة .. ما هم بيقولوا ان الجزائر و العراق و ليبيا و سوريا كانوا عاملين جبهة ضد مصر .. كان اسمها جبهة الصمود و التصدي .. قال ايه .. عاوزين مصر تحارب باولادها و العرب يبقوا يعطوها فلوس

ايه يا جدعان ؟؟؟

يعني لاعب الجزائر الاخضر بلومي يضرب دكتور مصري في فندق مصري و يفقع عينه .. و دكتور مصري يتحكم عليه في السعودية بكام الف جلدة بشرع غير شرع الله و لاسباب دون آدمية و كلها ندالة .. و ما عاد الا الغزاوية كمان يضربونا ع الحدود و نطلع احنا اللي مقلوبين ..

احنا بقينا ملطشة للي يسوى و اللي ما يسواش

اجيبك منين يا ابراهيم باشا ؟؟؟

كانت الفيران ما بتخرجش من الجحور

انتهى التحديث

…

ليه العرب اتهموا انور بالخيانة ؟؟؟

ليه الفلسطينيين امتنعوا انهم يقبلوا باللي اقترحه الراجل لمصلحتهم ؟

ليه العرب رفضوا اللي عمله انور في اسطبل داوود على زعمهم ..

و بعدها بحوالي 15 سنة دخلوا قطعانا في زريبة مدريد

..

ليه العرب قبلوا بتقسيم فلسطين لدولة عربية و دولة عبرية ؟؟؟

و بعدين الاخوان شعللوا نار الحرب .. و من يومها و الحرب دايرة

ليه حماس بتصعد المواقف مع مصر ؟؟؟

ليه حماس اختصرت مصايبها كلها في مشكلة مفتعلة اسمها معبر رفح

مع انه فيه معابر غيره كتير

و ليه اللي جاي بيقدم مساعدة … بيقل ادبه على ارضنا ؟

افتعال المشاكل دا لمصلحة ميييين ؟؟؟؟؟

السؤال بقى : تصعيد حماس ضد مصر باتفاق مع اليهود ؟؟ و اللا عبط ؟؟

المخطط اليهودي هو إخلاء فلسطين من الفلسطينيين

و الكلام دا مش سر يعني .. دا كلام معلن و له خرايط

و اسرائيل بتضغط على الغزاوية عاوزة تكرههم في عيشتهم

يقوموا يعملوا ايه ؟؟؟؟؟

يطفشوا على سينا

…

بيقول لك ايه ؟

لما الملالي حكموا ايران .. الامريكان قالوا لصدام يللا فلسع البكر

و عن طريق دول عربية … قدموا صدام يحارب ايران

و لما الجحشين الايراني و العراقي اتهدت قوتهم و نزف دمهم

قامت امريكا .. عن طريق دول عربية .. ضاربة فتيل و أكلت صدام الشكولاته

صدام العبيط دخل الكويت .. و ليلتها كانت الاساطيل في الخليج

الاساطيل مسحت صدام .. و لسه قاعدة مكانها

دا صدام اللي كان ضد امريكا و الامبريالية

…….

يا ترى حماس دورها ايه الوقتي ؟

يا ترى جلوي جاي بمخطط رسمه له مين ؟؟

يا ترى تصعيد الوضع في رفح … بيشغل النظر عن ايه في دولة الملالي ؟

يا ترى النصيريين في دمشق بيشربوا ايه الوقتي ؟

و يا ترى .. يهود بيعملوا ايه الوقتي ؟

……

هدية للي عاوز يفهم

…

الأستاذ فهمي هويدي لما يكون حمساوي .. فدا مقبول

لكن

الأستاذ هيكل .. العلماني .. لما يلعب لمصلحة الملعب الحمساوي

المسألة بقى عاوزة يمين اسكندراني من حيفا لطنجة

يمين .. يعمل اعصار في المتوسط يغرق ايطاليا و اليونان

و الواحد لازم يقف انتباه

..

شوف يا عم حسني

لو حصلت انتخابات بكره الصبح … صدقني مش هانتخبك

لكن انا معااااااااااااك في موقفك دا

…

هييييه ؟؟؟

لسه عاوزين تاكلوا الشكولاته ؟؟؟؟

.

تاريييييخ .. حبة تاريخ للي نايم

.

 

الإسلام  ظهر  في وجود إمبراطوريتين بيتنازعوا سلطة التاريخ

إمبراطورية فارسية مجوسية .. و إمبراطورية رومية كتابية

الإمبراطورية الفارسية المجوسية  دخلت زمام الأمة الإسلامية

و ابتدأ الصراع الكتابي – الكتابي  .. الإسلامي – النصراني

الصراع دا مكتوب من زمااااان  في الكتب .. كتاريخ مستقبلي

أبو أيوب الأنصاري ( اللي آخى نبينا الكريم )  و زوجته أم حرام  سافروا

أبو أيوب سمع النبي و هو بيبشر بفتح القسطنطينية  و القسطنطينية الرومية

أبو أيوب ما كدبش خبر   و سافر  للقسطنطينية و فضل مرابط هناك

يمكن ..  يمكن تصدق النبوءة في عهده 

مات أبو أيوب  .. و ما اتفتحتش القسطنطينية

القسطنطينية استعصت على المسلمين انهم يفتحوها من جهة الشرق

قام ايييه  ؟  فكروا بطريقة حنة بعل .. اللي بيسموه هانيبال 

هانيبال فاتح قرطاجي  و اسمه في التاريخ  زي البدر

هانيبال علشان يغزو إيطاليا  .. لف من ناحية الغرب .. و جيشه ركب حمير

و عدوا جبال الإلب بتاع سويسرا  .. و نزلوا ع الطليان زي الموت

الطليان كانوا منتظرينهم ييجوا من البحر  .. و ما جاش في بالهم الطريق الوعر

مين اللي خلص على حنة بعل ؟؟؟؟

أخوووووووووه 

حنة بعل ساب لاخوه حكم قرطاج  لغاية ما يدك الطليان

و لما رجع  .. اخوه  هو اللي جاب خبره

نرجع تاني

المسلمين بقى لما استعصت عليهم القسطنطينية  .. اخدوا الطريق الوعر

دخلوا بلاد الغال  .. اللي هي الاندلس علشان يدخلوا القسطنطينية من الغرب

جبال البرانس كانت عائق  .. و اتأخر المسلمين قرون لغاية ما فتحوا القسطنطينية  على ايد الفاتح العثماني   محمد الفاتح  ..  و سموها إسلامبول .. و بيدلعوها إسطمبول

القسطنطينية الرومية  ..  اللي هي الفاتيكان  .. توشك أن تسقط في أيدي المسلمين

واحد ها يقول  :  توووشك  ؟  اقول له  : آي نعم   .. فكل آت قريب

بالرغم من الغمة  اللي  عمت الأمة  .. لكن النور منور  في النفس

الواحد  لما يبص للقضايا  .. لازم يبص لها من منظور كلي  .. ما ياخدهاش من تقب صغير

انا كل يوم اقدم رجل و أأخر رجل  .. عاوز اتكلم في موضوع الجدار العازل  .. و ارجع اسكت

انا عاوز اسأل سؤال 

الناس اللي مهيجة الدنيا  دي  ..  علشان إييييه  ؟

بداية  .. أنا هاقولها بصراحة 

أنا  ليا آراء زي الزفت  في نظام بلدنا  .. و ضده في حاجات كتير قوي

يعني ما حدش يتهمني  بإني  مع النظام 

أنا باطرح رأيي  و وجهة نظري  حسب فهمي أنا

هو الجدار دا في بيتي  .. ملكي  .. يبقى أي حد  غير مسموح له من الأصل  انه  يسألني انت بتعمل كدا ليه  ..  أو حتى يسألني  انت بتعمل ايه 

الحاجة التانية

انا ملاحظ  ان اللي عاملين الهيصة دي  .. ناس حدود تفكيرهم  هامشية 

أنا هاتوقف عند كلمة بسيطة  ..  الأخ المناضل المجاهد  الخطيب المفوه  حامل لواء المجد  الحماسي السني  الذي هو  على مذهب أهل السنة و الجماعة  خالد بيه مشعل  ..  لما يقول : لم يعد أمامنا  إلا ( حرب معبر رفح )

حرب  ؟؟؟؟؟؟؟؟؟؟؟؟

حرب ؟؟؟    حرب ضد مين يا عم مشعل  ؟؟؟؟؟؟؟؟؟

تعالى كدا  نخبط  بمبة  صغنطوطة  

انت قاعد فين   ؟؟؟؟؟؟   في دمشق

عند مين  ؟؟؟  نظام شيعي علوي نصيري 

بيمولك مين  ؟؟؟  ملالي إيران الشيعة

الكلمتين دول  .. ناس كتير  قوي  ..  ها تقول الجدع دا بيخبط في المتخبط  .. و خلاص شبعنا من الكلام دا  ..  و بعدين احنا كلنا  ولاد قبلة واحدة

دا كلام  الناس الشلامبوووش

شلامبوش ..  لا قرأوا و عرفوا يعني ايه شيعة  ..  و لا عرفوا  يعني ايه  علويين نصيريين

لا قرأوا  ..  و لا عاشوا  .. و لا اتناقشوا و دخلوا مناظرات مع الناس دي

المثلث الشيعي الدرزي اليهودي  …  آآآآآآآآآآآه   … يا ليت قومي يقرأون  ..

نعك  الدنيا كمان و كمان

الأردن و السعودية  .. سنة 1967 .. سخنوا  المقدم  جمال بيه عبد الناصر  .. ضحكوا عليه ..

أوووووف  .. يا خبر 

قعدوا يعايروه يا عيني  ..  إنت صعيدي و عامل راجل  ؟؟  طب ليه متداري زي النسوان ورا قوات الأمم المتحدة اللي في سينا  ؟؟    لو راجل طلع القوات دي

و إسرائيل تعمل مناورة  .. قال ايه   عاملين حشود على سوريا  .. قام الزعيم وشه احمر .. و الدم غلى في عروقه  ..  و قال لك  : لازم نحارب إسرائيل

جات إسرائيل  ضربته الكف  اللي موته  قبل موته بتلات سنين

نرررررررجع تاني

في يوم  .. واحد  من أحد فروع العيلة  زارنا  ..

ما بتاكلش برتقان  ليه  يا راجل  ..  اتفتحت قصة  صدمتني  .. و انا كنت لسه طفل

قريبنا دا  كان في حرب 67  ..  فضلوا حوالي  تلات ايام  تايهين  .. مش لاقيين أكل

و فجأة  .. لقوا  جنينة برتقان 

من جوعهم  يا ولداااه   ..  نزلوا أكل في البرتقان  بقشره  

فاقوا  مذهولين من اللي بيجرى  .. رجعوا كل اللي أكلوه 

و من يومها   .. الراجل بيكره البرتقان

مش دي القصة   ..  القصة لسه  جاية

كوز سلمون  مليان مية مطر   للشرب   .. تمنه  الساعة  أو البندقية  أو الاتنين

دا مين  اللي كان بياخد التمن  ؟؟  اليهود  ؟؟؟؟ 

( كاشا  و حلا  ) ( !!! ) 

بدو سيناء 

الكلام دا سمعته  من أفواه ناس  عاشت الظروف دي  .. و انا  كنت غلباوي  بافحر في الموضوعات و اسأل  و اتأكد 

أنفاق  مفتوحة بين بدو سينا   و بدو  غزة  ..  و ابقى سلم لي على حماس

ما تصحى يا أستاذ

ما تقرأ  يا عم الحج   سورة يوسف 

ليه ما تسألش نفسك  السؤال دا  ؟

ليه الفراعنة   استعبدوا بني إسرائيل   ؟؟؟؟

هو سيدنا يوسف دخل مصر امتى  ؟؟؟؟

و ليه اتذكر  في ايام  سيدنا يوسف ..  العزيز   و مش الفرعون  ؟

بني اسرائيل  (  أولاد يعقوب )  دخلوا مصر وقت احتلال  .. و اتعاملوا مع المحتل  ضد المصريين

و دول  مين  ؟؟؟  أبناء يعقوب   ..  أبناء نبي  و أخوهم نبي 

كانوا جايين منين   ؟؟؟؟؟

دمااااااااااااااااااااااغي 

الظاهر اني موعود  باللسعان   لما اكون خارج من وردية ليل 

اسمع يا جدع انت و هو

الجدار في ارضنا  ..  و غير مسموح لحد  انه يتكلم  عن حاجة بنعملها في ملكنا

و اللي مش عاجبه  .. يعمل جدار في ملكه هو كمان

هو أخو حنة بعل  .. لسه بيفكر يقتله  كمان و كمان ؟؟؟

.

بلدنا مصر .. مش Egypt .. تعالوا نجبرهم يقولوا Misr

.


احنا بلدنا اسمها ايه ؟ اسمها مصر

و اسم بلدنا مذكور في الكتب السماوية


و مذكورة باسمها .. مصر


عاوز افهم بقى .. ليه في لغات الفرنجة بيسموها Egypt ؟؟

من كام يوم .. باتصل بواحدة من المحطات .. سمعت صوت جديد

راو .. ما دام الاسم راو يبقى هندي .. قال لي كلامك صح

سألني .. انت منين ؟

رديت عليه : I'm from Misr

ضحك ضحكة طفولية .. و سألني باندهاش .. ليه ما قلتش ايجبت ؟

كان ردي عفوي جدا .. هو علشان اسمها مصر

و هو يعني علشان نطع أوروبي يسميها ايجيبت لازم أقول زيه ؟

ما اعرفش ليه حسيت بارتياح لما قلتها مصر مش ايجيبت

و واخد على نفسي عهد .. لو اي واحد سالني عن اسم بلدي هاقول مصر


مصر مصر مصر .. مش ايجيبت


على فكرة .. البلاد الشرقية يعرفوا بلدنا باسمها الحقيقي .. مصر


ما تيجوا نقلب اسم ايجبت في مقلب زبالة لندن أو باريس

و نجبر الناس دي تكتب اسم بلدنا Misr بدل Egypt


.

أوكتافيا

أوكتافيا نزقت

 

أوكتافيا انزلقت

أوكتافيا انتحرت

 

أوكتافيا رحلت

و مشاعر أوكتافيا انسجرت

حالات .. يا ترى .. انت في أي ركن ؟ !!

.

كتاب اسمه

 

ChangePower

 

بانصح بقراءته

 

دي كلاشنكوفاية منه

 

 

…

 

 

CASE ONE

 

I walk down the street.
There’s a deep hole in the sidewalk.
I fall in.
I am lost … I am helpless;
It isn’t my fault.
It takes forever to find a way out.

CASE TWO

 

I walk down the same street.
There is a deep hole in the sidewalk.
I pretend I don’t see it.
I fall in again.
I can’t believe I am in this same place;
But, it isn’t my fault.
It still takes a long time to get out.

CASE THREE

 

I walk down the same street.
There is a deep hole in the sidewalk.
I see it is there.
I still fall in … it’s a habit … but,
my eyes are open.
I know where I am.
It is my fault.
I get out immediately.

 

CASE FOUR

 

I walk down the same street.
There’s a deep hole in the sidewalk.
I walk around it.

 

CASE FIVE

 

I walk down another street.

.

في مثلث الضوء .. مع الريس براهيم ابو حجازي

.

 

عمنا الريس براهيم ابو حجازي  ..  بتاع برنامج مثلث الضوء  .. مربع الضوء .. معين الضوء .. اي شكل هندسي الضوء  .. و لو حتى  دائرة الضوء  .. ما يضرش برضه

عمنا براهيم ابو حجازي ..  راجل شرقاوي جدع  ..  طلع فلاح من المحافظة اللي شرفنا عدل  ..  عندهم مصطبة  و حمار ببردعة  ..  و  شكله كدا  كان بيصطاد بالجوبيا  زي حالاتي  ..  اللي ها يسأل عن الجوبيا هاخلي نهاره كوبيا  ..  لان دي اسرار  هاي تيك  اللي يقرب منها  ممكن اغتاله

نركب الحمار بقى  .. اقصد  ندخل في الموضوع 

عمنا براهيم   .. في ايام  الموجة الجراداوية  من جرذان الصحراء  ..  كان عامل شغل كويس

لكن

لكن  كان مين  جنوده في المعمعة دي  ؟؟؟

اغلب الجيش اللي  وقف ورا عمنا براهيم  كان  فنانين و فنانات  .. مطربين و مطربات .. و نطاطين و نطاطات   .. و انت  ابوك السقا مات

طب يا عم براهيم  .. فين الناس القيمة  ؟؟

يا عم براهيم  .. فين الاساتذة ؟ و المفكرين ؟ و أصحاب الرأي ؟؟ قليل ما هم

انا بصراحة وقتها  .. تحشرجت في نفسي أشياء كتيرة

لغااااااااااااااااية  .. ما جات شيرين لابوظبي  علشان تشارك في عيد الاتحاد

قالوا لي  :  انها كانت لابسة فستان  بالوان علم الامارات

استاذنت انها تمسك في ايديها  علم بلدنا مصر  ..  و سمح لها بكل سرور

بعض المصريين  طلبوا منها تغني اغنية  .. ما شربتش من نيلها  .. بكل لباقة اعتذرت .. و قالت : ان شاء الله  هاسمعها لكم  .. لكن احنا في مناسبة  و ما ينفعش اغني الاغنية دي الوقتي

بصراحة  .. عجبتني ردودها و لباقتها  و حضورها  اللي كان رائع  .. دا على حسب ما سمعت من اللي حضروا الحفلة او شافوها في التليفزيون

انا بقى  هامسك الموضوع دا  و اقف عنده شويه

ما دام  عملتنا و بضاعتنا   هي الفنانين   و المطربين  و دول اللي بنعتمد عليهم  في  نشر  وجهات نظرنا  و تعريف الناس بقضايانا ..  انا عاوز اقترح اقتراح  نص لبة  ..  يمكن يعجب و يمكن ما يعجبش

في الزيارات الخارجية  لمطربينا و فنانينا  و الذي منه   ..  ليه ما يمروش  على جهة  اعلامية  معينة  .. ياخدوا  معلومات  معينة عن المكان اللي رايحين ليه  ..  و ياخدوا تعليمات محددة  عن الشكل و المظهر و المعلومة   و و و   ..   علشان بالفعل يكونوا سفرا  بحق و حقيق  .. و يكون فيه فرض مؤكد على القنصليات  بالتواصل مع الناس دي في الخارج 

لكن  التعامل دا  يكون  بعيد  عن اسلوب  جنرالات السراير    ..  بتوع فلم كشف المستور 

و بكدا   ..  ممكن   يبقى  فيه  حضور  للشخصية  و الدولة  علشان الفايدة  تعم

حد يبلغ الكلام دا لعمنا براهيم ابو حجازي   ..  بشرط يدفع  نص ريال  نظير الفكرة دي

قال شرقاوي قال

يا عم طب اعزمنا  على  اكلة  معمر  بالحمام المدفوس

 

.

اسمع يا نجيب محفوظ .. انت نزلت من نظري

.

 

 

شوف يا كابتن نجيب 

انت كدا بالصلاة على النبي  .. واضح انك كنت حرباية  كبيرة قوي .. بتتلون  بكل لون

مش ضروري اكون شفتك  او قعدت معاك  في غرزة شهبور  نضرب أنفاس من الازرق  علشان اعرفك  و اعطي  راي فيك

شوف  يا كابتن 

ندخل في مربط الجحش عدل

كتاب  .. أمام العرش .. حوار مع رجال مصر من مينا إلى أنور السادات

واضح من اللي مكتوب في الكتاب  انك الفته   بعد  موت المرحوم 

رقم الإيداع 3049/83

يعني بسلامتك يا نوجا افندي  عملت الكتاب  بعد موت السادات

بقى يا راجل يا ناقص  ..  الاقيك  جايب سيرة   سمعان الجرجاوي  الحداد  من أسرة حدادين ..  و علي سندس .. السقاء   ..   و تنسى  تكتب حرف واحد عن أول  مصري يبقى رئيس لمصر  بعد احتلالات دامت عشرات القرون  ؟؟ !!

يا مفتري

طب الزعيم كان مات خلاص  .. و الزعيم التاني برضه كان مات  .. و الزعيم التالت  مالهوش خصومة مع الرئيس محمد نجيب  .. يعني مش ها يلومك لو قلت كلمتين عن الراجل

كنت خايف ليه  تكتب عن الرئيس محمد نجيب  ؟؟؟

بجد بجد  يا نوجا  ..  من يومين بس  احتقرتك قوي  .. بعد ما قعدت حوالي ساعتين  اقلب في كتابك دا اللي نزلته من النت  .. و أفاجأ  بانك  تذكر السقايين و الحدادين و النقاشين و تجار الحبوب .. كان ناقص كمان واحد يطلع لي من الكتاب يقول لي :  شعر و اللا دقن يا اسطى  ؟

رجل كل العصور  ..  مقولة  زي السم  ..  حظك فيها كبير قوي يا نوجا

اسمح لي يا نوجا .. انت نزلت من نظري

 

 

.